انسان حقلر ایرکین کمیسیون اورین باسری نعیم نظری، مذکور کمیسیون تأسیس ایتیلگنی نینگ ۱۹- ییل‌لیگیدن نشانلش مراسم‌ده، افغانستان ده اوروش دوام تاپگنی و امنیتی وضعیت یمان بولگنیدن خواطر بیلدیرگن.
انسان حقلر ایرکین کمیسیون اورین باسری نینگ ایتیشیچه، افغانستان ده اوروش تامانلری تامانیدن هجوم‌لر کوپه‌یشی، تینچ‌اهالی تلفاتی یوقاری کیتیشی گه سبب بولگن و بو بونینگ کورسته‌دی که اوروش تامانلری اوروش قانون‌لریدن تخطی قیله‌دی.
بیزلرنینگ فیسبوک صحیفه‌میزگه هم باش اورینگ!
جناب نظری نینگ ایتیشیچه، یالغیز میلادی ۲۰۲۱- ییل می آیی ده ۹۹۶ تینچ‌اهالی هلاک و یره‌لنگن. ۲۰ عیال و ۱۱۳ باله شامل ۳۰۱ کیشی هلاک و ۱۰۲ عیال و ۲۶۵ باله شامل باشقه ۶۹۵ کیشی ایسه یره‌لنگن.
انسان حقلر ایرکین کمیسیون گزارشی نینگ کورستیشیچه، میلادی ۲۰۲۱- ییل می آیی ده تلفات آماری، اپریل آیی گه نسبتن اوچ برابر کوپه‌یگن.
باشقه بیر تاماندن مذکور برنامه ده انسان حقلر ایرکین کمیسیونی باشلیغی شهرزاد اکبر نینگ ایتیشیچه، زوروانلیکلر دوام تاپیشی وضعیت یمان‌لنیشی گه سبب بولگن و اوروش تامانلری اینیقسه حکومت و طالبان گروهی اوروش یکونله‌نیشی اوستیگه جدی شکلده ایشله‌شلری کیره‌ک.
بیزلرنینگ توییترده هم تعقیب قیلینگ!
انسان حقلر ایرکین کمیسیونی، توغری بیر نتیجه گه ایریشی اوچون تیزلیککه آتیش کیسین برقرار ایتیلیشی و افغانستان‌لیکلرارا سوزلشوولر باشله‌نیشی نی سوره‌گن.
