محمدکریم ۳ یاشر باله‌سینی درمانلش اوچون غور ولایتی کسلخانه‌سیگه آلیب بارگن. او، ۷ کیچه و کوندوزنی کسلخانه‌گه اوتکزگن. محمدکریم نینگ ایتیشیچه، کم‌بغل‌لیک و ایش‌سیزلیک سبب، باله‌سی توییب اوقات‌لنمسلیککه یولیقگن و مناسب غذا تیارلشگه قادر ایمس.
بیزلرنینگ فیسبوک صحیفه‌میزگه باش اورینگ!
کونده محمدکریم کبی اونلرچه عایله باله‌لرینی درمانلش اوچون غور ولایتی کسلخانه‌سیگه آلیب باره‌دیلر.
غور ولایتی کسلخانه‌سی نینگ توییب اوقات لنمه‌یش بولیمی مسوولی عیدی‌ماه سلطانی نینگ ایتیشیچه، کونده اونلرچه باله توییب اوقات‌لنمسلیککه یولیقگنی سبب، اوشبو کسلخانه‌گه کیلتیریله‌دی.
غور ولایتی کسلخانه داکترلریدن بیری محمد موسا الفتی نینگ ایتیشیچه، اوتگن ۶ آی جریانیده کمیده ۳۰۰ باله درمان‌لنیش اوچون اوشبو کسلخانه‌گه مراجعت قیلگن و بو جمله‌دن ۱۷ باله دنیا دن اوتگن.
غور ولایتی بوییچه ساغلیق‌نی سقلش ریاستی نینگ طالبان تامانیدن تعیین‌لنگن باشلیغی مولوی احسان‌الله نینگ ایتیشیچه، موجود بولگن قیین‌چیلیکلرنی مرکزی مسوولر و خلق ارا ساغلیک تشکیلاتی بیلن شریک قیلگن‌لر و قیین‌چیلیکلرنی حل قیلیش اوچون سعی و حرکت قیله‌دیلر.
بیزلرنینگ فیسبوک صحیفه‌میزگه باش اورینگ!
غور ولایتی بوییچه ساغلیق‌نی سقلش مسوول‌لری نینگ ایتیش‌لریچه، ساغلیک سکتورلرگه یاردم بیرووچی نهادلر نینگ دقت‌سیزلیگی، درمانلش اوچون ییترلیچه امکانیت یوقلیگی و سونگی تحولات باعث، توییب اوقات‌لنمسلیککه یولیقگنلر رقمی کوپه‌یگن.
