غور حاکمی نینگ مطبوعاتی دفتری، شنبه کونی، ۱۷ جدی، غور حاکمی احمدشاه دین‌دوست، اوشبو ولایتده خلق‌ارا آزیق_آوقات دستوری (WFP) دفتر مسئولی بیلن اوچره‌شگنیدن خبر بیرگن.
خبرنامه غور حاکمی دن نقل قیلیب یازیشیچه، خارجی مؤسسه‌لر انسان حقلری شعارلری گه قرشی، اساسی برنامه‌لرینی عملگه آشیریش اوچون اهالی اورته‌سیده نااتفاق‌لیک و دشمن‌لیک تشلش مقصدیده سعی و حرکت قیلماقده‌لر.
خبرنامه ده کیلیشیچه: «مؤسسه‌لر نینگ مقصدی، انسان پرورلیک یاردم، ملت و جمعیت گه خدمت قیلیش ایمس دیر.»
بیزلرنینگ فیسبوک صحیفه‌میزگه باش اورینگ!
خبرنامه ده غور حاکمی دن نقل قیلینیب تأکیدلنیشیچه، مؤسسه‌لر اوز برنامه‌لرینی تیکشیرو و اوز ماده‌لرینی توزیع قیلیش جریانیده، اهالی اورته‌سیده نااتفاق‌لیک و دشمن‌لیک تشلش اساسیده تیارله‌گنلر.
غور حاکمی نینگ کوپه‌یتیریشیچه: «مؤسسه‌لر خدمت اوچون تیار بولسه‌لر، اهالی اوچون سرک، برق، قیته قوریش و یریم ایشلری قالگن پروژه‌لر ایشینی بیتتیریش کبی ایشلرنی قیلیشی کیره‌ک. مؤسسه‌لر نینگ مقصدی شفاف ایمس و برنامه‌لری ده اجتماعی عدالت تطبیق بولمه‌یدی.»
شونینگدیک اوشبو ییغیلیش ده غور محلی مسئوللری نینگ ایتیشلریچه، مؤسسه‌لر کوپراق اوز پروژه‌لرینی اولر بیلن شریک قیلمسدن تطبیق ایته‌دی، بو ایش دولتی سکتورلر و مؤسسه‌لر آره‌سیده ایشانچ‌سیزلیککه سبب بوله‌دی و شونینگدیک یاردم بیریش جریانینی قیینچیلیک بیلن دوچ قیله‌دی.
بیزلرنینگ توییترده هم تعقیب قیلینگ!
خبرنامه ده، اوشبو ولایت گه خلق‌ارا آزیق_آوقات دستوری دفتر مسئولی نینگ سفری دن مقصد، انسان پرورلیک یاردم‌لرنی قنده‌ی توزیع قیلیش، مستحق و کمبغل عایله‌لرنی تیکشیریش عنوان قیلینگن.
