باله‌لردن حفاظت قیلووچی تشکیلاتی نینگ اعلام قیلیشچه، یالغیز اوتگن میلادی ییل نینگ دسامبر آیده افغانستانده ۱۳۵ باله توییب آوقات‌لنمسلیک و سینه‌بغل کسل‌لیکلر نتیجه‌سیده، یولده یا-ده کسل‌خانه‌ده جان بیرگن.
مذکور تشکلات بیر گزارش ترقه‌تیب ایتیشیچه، تیکشیروولر اساسیده سونگی ۳ آیده افغانستان‌ده‌گی عایله‌لردن یریمیدن آرتیغی نیازلری بولگن ساغلیک مراقبتلر گه قول تاپه‌آلمه‌گنلر.
گزارش‌لر اساسیده، ساغلیک مراقبتلر گه قول تاپه‌آلمه‌گن کیشیلردن کمیده ۶۰ فایزی نینگ ایتیش‌لریچه، ساغلیک مراقبتلر نینگ آلیش اوچون پوللری یوق. شونینگدیک باشقه ۳۱ فایزی نینگ ایتیش‌لریچه، یالغیز کسل‌لیک حیات‌لری نی تهدید قیلگن صورتده، کلینیککه مراجعت قیله‌دیلر.
بیزلرنینگ توییترده هم تعقیب قیلینگ!
باله‌لردن حفاظت قیلووچی تشکیلاتی نینگ کوپه‌یتیریشیچه، افغانستانده سینه‌بغل کسل‌لیک موردلری آچلیک خطری‌ده قرار تاپگن باله‌لر خصوصیده کوپه‌یماقده دیر. اوشبو تشکیلات گه کوره، افغانستان ساغلیک نظامی نینگ نابود بولیشی، اوشبو مملکت‌ده مالی سرمایه‌لر نینگ باغلنگنی و یاردم‌لر نینگ کیسیلگنی باعث، باله‌لر توغریسیده کوپینچه قیین‌چیلیک چیقه‌رگن.
افغانستان شمالی‌ده کسلخانه داکترلریدن بیری نینگ باله‌لردن حفاظت قیلووچی تشکیلات گه ایتیشیچه، او هیچ بیر زمان بو رقم نظیری کوریلمه‌گن توییب آوقات‌لنمسلیک و سینه‌بغل کسل‌لیک نی کورگن ایمس. اونگه کوره، دسامبر آییده ۱۳۵ باله اوشبو کسل‌خانه‌ده جان بیرگن که اوشبو باله‌لردن قطاری سینه‌بغل کسل‌لیککه چلینیب و ۴۰ باله ایسه توییب آوقات‌لنمسلیک که چیلینگن ایکن.
باله‌لردن حفاظت قیلووچی تشکیلاتی گزارش‌ده اوغوله‌گن که، مملکت بوییچه ساغلیک ایشلاوچیلر نینگ معاشلری تولنمه‌گنی باعث، باغلنگن، انه شوو سبب کسل باله‌لر درمان اوچون کسلخانه گه درمان اوچون کیلگن پیتده باغلیک ایشیکلر و خالی دارو‌خانه‌لر بیلن روپه‌رو بوله‌دیلر. مذکور تشکیلات خلق ارا جماعه‌دن افغانستان «حیاتی بودیجه قفلی» نینگ آچیلیشی نی سوره‌گن.
بیزلرنینگ توییترده هم تعقیب قیلینگ!
شونینگدیک بوندن آلدین، خلق‌ارا نجات کمیته‌سی بیر گزارش ترقه‌تیب ایتگن ایدی که، افغانستان ساغلیک تیزیمی نابود بولیش خطری گه دوچ کیلگن و اوشبو مملکت نینگ ساغلیک مرکزیلریدن ۹۰ فایزیدن آرتیغی نینگ باغلنیشی ممکن.
گزارش‌ده کیلیشیچه، اسلامی امارت نینگ قدرت گه ایریشگنی بیلن، خلق‌ارا مالی حمایت قیلووچیلردن کوپینچه‌سی، افغانستان گه انسان دوستلیک بولمه‌گن مالی یاردملری نی تعلیق و اوشبو مملکت نینگ سرمایه‌لریدن میلیون‌لرچه دالر نی باغله‌گن. اوشبو یاردم‌لر نینگ باغلنگنی سبب، افغانستانده ساغلیک مرکزلریدن کوپینچه‌سی باغلنیب و میلیون‌لرچه کیشی آچلیک، نادارلیک و کرونا نینگ ۴-تولقینی بیلن روپه‌رو بولیب و دستلبکی خذمتلردن محروم قالگنلر.
