پاکستان باش وزیری و کریکت نینگ سابق ییلدیزی عمران‌خان، اونگه قرشی اوشبو مملکت عالی محکمه‌سی نینگ آوازیدن کیین، پاکستان اوچون سونگی «توپ»گچه اوروشیب و مبارزه قیلیش گه دوام بیریشی نی اعلام قیلگن.
او، اوتگن کیچه اوشبو مملکت پارلمانی نینگ منحل قیلیش حقیده پاکستان عالی محکمه آوازی نینگ اعلام بولگنیدن کیین، بو موضوع نی توییتر صحیفه‌سیده یازگن. شونینگدیک عمران‌خان یازگن که، جمعه کونی اهالی گه خطاب بیانات بیریشی ممکن.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، پاکستان عالی محکمه‌سی اوشبو مملکت پارلمانی نینگ لغو بولیشینی ناقانونی دیب و اونی قیته‌دن احیا قیلگن. مذکور محکمه عمران‌خان گه ایشانچ آواز بیرمسلیک طرحی‌نی هم قانون گه قرشی اعلام قیلگن.
پاکستان پارلمانی، اوشبو مملکت باش وزیری عمران‌خان التماسی و جمهوررئیس نینگ تصدیقی بیلن منحل بولگن ایدی. بیراق اوتگن کون پاکستان نینگ عالی محکمه‌سی، بو ایش‌نی اوشبو مملکت نینگ اساسی قانونی‌گه قرشی دیب و باش وزیر پارلمان‌نی منحل قیلیش التماسینی جمهوررئیس‌دن قیله آلمه‌یدی دیگن ایدی.
پاکستان میدیالری گزارش بیرگن که، مذکور مملکت نینگ عالی محکمه‌سی پاکستان پارلمان باشلیغی اسد قیصر گه، شنبه کونی، ۹ اپریل کینگشینی، باش وزیر گه ایشانچ آواز بیرمسلیک طرحی‌نی آواز بیریش گه قوییش اوچون توشدن آلدین ساعت ۱۰ ده چقیریش گه بویروغ بیرگن.
محکمه نینگ بویروغی‌ده کیلگن که: «باش وزیر گه ایشانچ آواز بیرمسلیک نتیجه بیرگن تقدیرده، پارلمان ینگی باش وزیرنی منصوب قیله‌دی.» پاکستان نینگ قضائیه قوه باشلیغی، اوشبو مملکت پارلمان باشلیغی اورین باسری نینگ، عمران‌خان گه ایشانچ آواز بیرمسلیک طرحی رد بولیش قرارینی پاکستان اساسی قانونی ۹۵-ماده‌سینی نقض قیلیش عنوان قیلگن.
بیزلرنینگ توییترده هم تعقیب قیلینگ!
یک‌شنبه، ۱۴ حمل عمران‌خان گه ایشانچ آوازبیرمسلیک طرحی آواز بیریشگه قویلیشی کوتیلر ایدی؛ لیکن پاکستان پارلمانی باشلیغی نینگ اورین باسری قاسم‌خان سوری بو طرح‌نی ناقانونی دیب رد ایتدی. او، رژیم اوزگریشی اوچون نظرگه آلینگن حرکت‌نی رد ایتگنینی ایتگن ایدی و «مین بو موضوع‌نی بوتون ملت گه تبریکله‌ی من.»
عمران‌خان گه ایشانچ آواز بیرمسلیک طرحی رد بولیشیدن کیین، او پاکستان جمهور باشلیغی عارف علوی‌دن، پارلمان‌نی منحل قیلیب و ینگی سیلاو اوتکزیلیش التماسینی قیلدی. عارف علوی پاکستان پارلمانینی عمران‌خان نینگ التماسی بیلن منحل اعلام قیلدی.