مملکت ولایت‌لریدن قطاری‌ده‌گی مسجد‌لر و عبادت‌خانه‌لر ده اویوشتریلگن پارتلش‌لر، غزنی شهری خانقا‌ه‌لری نینگ تصوفی و عرفانی فعالیت‌لری اوستیگه سلبی تاثیر قیلگن.
سونگی نیچه کون‌ده، غزنی شهری نینگ خانقا‌ه‌لریده‌گی درسی برنامه‌لر و ذکر‌لر تعطیل بولیب و اوشبو خانقاهلر گه یاش ییگیت مُریدلر نینگ باریب_کیلیشی خصوصیده چیکلاو یره‌تیلگن.
بیزلرنینگ فیسبوک صحیفه‌میزگه باش اورینگ!
اوشبو ولایت‌ده‌گی تصوفی طریقت‌لر مریدلریدن قطاری نینگ ایتیش‌لریچه، مذکور مکان‌لرده خوفسیزلیک احتمالی واقعه‌لر آلدی آلینیشی اوچون اوشبو قرار آلینگن.
غرنیده‌‌گی مریدلردن بیری امان‌الله نینگ ایتیشیچه: «اوتمیش‌ده ایرتنگ‌دن ۸ بجه گچه باریب مناجات‌‌خوانلیک قیلر ایدیک. سونگی کون‌لرده بیران واقعه یوز بیرمه‌سین دیب ایناغه‌لریمیز و خلیفه صاحب تامانیدن امر بیریلمه گونچه حجره گه باریلمسلیگی خصوصیده قرار آلیندی.»
غزنی یشاوچیسی و اوشبو شهر نینگ «شهر کهنه» خانقا‌لریدن بیری نینگ یانیده حیات کیچیره‌دیگن سمیع‌الله نینگ ایتیشیچه، نیچه کون‌دن بیری اوشبو محل‌ده «قادریه شریف» خانقا ایشیگی مریدلری یوزی گه باغلنگن.
غزنی معلومات و مدنیت ریاست مسئوللری بیراق اوشبو ولایت‌ده مناجات و ذکر برنامه‌لری توخته‌‌تیلیشینی رد قیله‌دی. غزنی معلومات و مدنیت ریاستی نینگ معلومات آمری منصور افغان نینگ سلام‌وطندار گه ایتیشیچه، غزنی‌ده‌گی خانقاهلر نینگ برنامه‌لری توختمه‌گن و اسلامی امارت مسئوللری اوشبو ولایت نینگ بوتون منطقه‌لریده امنیت تأمین ایتیلیشیدن اهالی گه ایشانچ بیره‌دی.
حاضر ایسه غزنی شهریده ۱۱ ته خانقا بار که ۱۰ مینگ‌دن آرتیق مرید و عرفان و صوفی‌گرلیککه مشغو‌للر. شونینگدیک «خلیفه صاحب» نامی گه ۱۵دن آرتیق طریقت مرشدلر غزنی ولایتیده ارشاد، درس بیریش و مریدلری گه عرفان و تصوف نینگ راز و رمزی‌نی تعلیم بیریش ایشلری بوییچه مصروف‌لر.
«قادریه، نقشبندیه، چشتیه و سهروردیه» طریقت‌لر شامل اسلام مقیاسیده معروف طریقت‌لردن، غزنی ولایتیده یالغیز «قادریه و نقشبندیه» ایکی طریقت پیرو و مرید گه ایگه.
بیزلرنینگ توییترده هم تعقیب قیلینگ!
عرفانی مطالعه‌لر تدقیقات و یازووچیسی عبدالباقی هیله‌من غزنوی نینگ ایتیشیچه، خانقاه و تصوف یالغیز مسلمان و اسلام دینی‌ده یوق، بلکیم بوتون دین‌لرده موجود دیر و خانقاه اهالیسی دنیا‌ده هم‌درد، صمیمی و بیرلیک یشش انسان‌لر دیر.
ایتیش کیره‌ک که، اسلام جامعه‌سیده تصوف و عرفان و خانقاهلر، اسلام دینی ظهوری دن بویان فعالیت قیلیب کیلماقده. افغانستان ده تصوف و عرفان طریقت‌لری تصوفی و عرفانی فعالیت‌لرینی خلفای راشدین، دین امام‌لری و اسلام پیامبری اصحاب‌لری گه نسبت بیره‌دیلر.
