کابل و بیر قطاری ولایت‌لرده داکترلر تامانیدن شفری نسخه‌لر بیریلیشی، اهالی تامانیدن شکایت بولگن حاضرگی قیین‌چیلیک ایمس، بلکیم اوشبو قیین‌چیلیک نینگ ییل‌لردن بیری دوامی بار.
یشاوچیلر نینگ ایتیش‌لریچه، داکترلر فیس و معاینه اوچون هم اولردن کوپ پول آله‌دی و اوشبو داکترلر نینگ سِرلی نسخه‌لری نی یالغیز قرار‌داد بولگن دارو خانه مسئوللریدن باشقه هیچ کیم اوقیه‌آلمه‌یدی.
کابل یشاوچیلریدن عاقله نینگ ایتیشیچه، بیر داکتر نینگ نسخه‌سیده یازیلگن دارو‌لر بعضا یالغیز بیللی بیر دارو‌خانه‌ده تاپیله‌دی.
بیزلرنینگ توییترده هم تعقیب قیلینگ!
اونینگ کوپه‌یتیریشیچه، داکترلردن قطاری حتی سِرلی بیر شکلده نسخه یازه‌دیلر که یالغیز اوشه بیللی بیر دارو فروش اونی اوقیشی ممکن.
کابل یشاوچیلردن باشقه بیری ستوری نینگ ایتیشیچه، داکترلر فیس آلیش و بی‌ربط معاینه‌لردن باشقه هم نسخه‌سی گه دارو‌لر یازگن که اوشبو دارو نی یالغیز قیمت بها بیلن مخصوص دارو‌خانه‌دن آلیشی کیره‌ک یا-ده اصلا آلمه‌یشی کیره‌ک.
اونگه کوره، داکترلر نینگ سِرلی دارو‌لری نینگ یالغیز بیر دارو‌خانه تاپیلیشی نینگ سببی شو که، باشقه‌لر او نسخه نی اوقیه‌آلمه‌یدی.
ییمک و دارو ملی اداره مسئوللری بوگون بیر ییل‌لیک یوتوق‌لری خصوصیده اهالی گه گزارش بیریش‌لری جریانیده، اوشبو قیین‌چیلیک نی قبول قیلیب و اونینگ آلدی آلینیشی خصوصیده سوز بیرگنلر.
ییمک و دارو ملی اداره رئیسی عبدالباری عمر نینگ ایتیشیچه: «هییه، بو بوتون افغانستان‌ده موجود بولگن بیر قیین‌چیلیک دیر. داکترلر نینگ سِرلی نسخه یازیش‌لری نی قبول قیله‌میز. داکتر بیر ولایت گه مربوط بولگن دارو‌لر کیتیریب یوقاری بها بیلن ساته‌دیلر. عامل‌لر نی قول گه کیلتیرگنی‌میز پیتده، عدلی و قضایی نهاد‌لر گه تاپشیره‌میز.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، تورلی ولایت اهالی‌سی دارو کملیگی خصوصیده شکایت قیله‌دیلر. لیکن ییمک و دارو ملی اداره مسئوللری نینگ ایتیش‌لریچه، مملکت‌ده حاضر ایسه ییترلیچه دارو بار که، اولردن بیر بولیمی مملکت ایچیده ایشلب چیقاریله‌دی و بیر بولیمی ایسه تشقی‌دن وارد بوله‌دی.