فرانسه خبرگزارلیگی بوگون منبع‌لریدن نقل قیلیب گزارش بیرگن که، آمریکا و بریتانیا کابل ده یشاوچی‌لریدن کابل سرینا هوتلی نینگ تیزلیککه ترک قیلیش‌لرینی سوره‌گن. مذکور خبرگزارلیککه کوره، بو موضوع نینگ دلیلی امنیتی تهدیدلر دیر.
عین حالده، آمریکا تشقی ایشلر وزیرلیگی بیر پیام آرقه‌لی اوشبو مملکت یشاوچی‌لریدن، کابل سرینا هوتلی و اونینگ اطرافیده کیتیب-کیلیشدن وازکیچیش‌لرینی سوره‌گن.
مذکور پیام ده آمریکا یشاوچی‌لریگه توصیه قیلینگن که، امنیتی تهدیدلر باعث مذکور هوتل نی تیزلیککه ترک قیلیش‌لری کیره‌ک. آمریکا تشقی ایشلر وزیرلیگی احتمالی تهدیدلر توغریسیده آرتیق تفصیلات بیرمه‌گن.
شونده‌ی بیرحالده، اوتگن کوندن بویان کابل سرینا تامان باره‌دیگن یوللردن قطاری باغلنگن و اسلامی امارت حربی‌لری بو هوتل اطرافیده جایلشگن. کابل سرینا هوتلی کابل شهری نینگ مرکزیده قرار تاپیب و سونگی ییل‌لرده چیت‌ایللیک کیشی‌لردن قطاری نینگ میزبانی بولگن.