مهاجرلر ایشلری بوییچه بیرلشگن ملتلر تشکیلاتی نینگ عالی کمیشنری فیلیپو گراندی نینگ ایتیشیچه، افغانستان ده انسان دوستلیک وضعیت ناامید قیلووچی دیر. افغانستان ده بیرلشگن ملتلر تشکیلاتی نینگ اورین باسرلیک هیأت دفتری یا یوناما، بوگون بیر خبرنامه ترقه‌تیش بیلن ایتیشیچه، فیلیپو گراندی کابل ده قیلگن اوچ کونلیک سفری نینگ اداغیده، بو موضوع نی مطرح قیلگن.
خبرنامه اساسیده مهاجرلر ایشلری بوییچه بیرلشگن ملتلر تشکیلاتی نینگ عالی کمیشنری نی کوپه‌یتیریشیچه، افغانستان ده عمومی خذمتلر و اقتصاد سقوط قیلگن صورتده، بو مملکت رنج، ثبات‌سیزلیک و بدرغه‌لیککه شاهد بولیشی ممکن.
فیلیپو گراندی نینگ اورغولشیچه، دنیا جماعه‌چیلیگی افغانستان ده کتته بیر فاجعه نی آلدینی آلیشی اوچون تیزلیککه مذکور مملکت بیلن علاقه قوریشی کیره‌ک. اونگه کوره، اوشبو مملکتده انسانی فاجعه نی یالغیز منطقوی نتیجه‌سی یوق، بلکیم دنیا بوییچه تأثیری بولیشی ممکن.
بیزلرنینگ فیسبوک صحیفه‌میزگه باش اورینگ!
شونینگدیک فیلیپو گراندی مملکت ایچی و تشقری‌سیده بدرغه بولگن افغان‌لردن حمایت قیلینیشی نی سوره‌ب و ایتیشیچه، افغانستان ده آتیشمه‌لر باعث ۳.۵ میلیون دن آرتیق کیشی مملکت ایچیده اوی‌لریدن بی‌جا بولگن. یالغیز جاری ییل ده ۶۳۰ مینگ کیشی اوی‌لریدن آواره بولگن.
مهاجرلر ایشلری بوییچه بیرلشگن ملتلر تشکیلاتی نینگ عالی کمیشنری نی ایتیشیچه، حاضر افغانستان ده ۱۸ میلیون دن آرتیق کیشی نی تیز یاردم گه احتیاجی بار. بو تشکیلات بوندن آلدین ایتگن ایدی که افغانستان نینگ هر بیر اوچ یشاوچیسی دن بیری اوچ وقت نان دن بیری وقتی نی قنده‌ی تأمین‌لشی نی بیلمه‌یدی.
مذکور تشکیلات نینگ اعلام قیلیشیچه، ۵ قویی بولگن باله‌لرنینگ کمیده یریمی کیله‌جک ۱۲ آیده توییب آوقت‌لنمه‌سلیک کسل‌لیککه چالینیشی ممکن.
