بادغیس ساغلیک مسئوللری نینگ ایتیش‌لریچه، اوشبو ولایتده ترافیکی واقعه‌لر باعث هلاک و یرهلنگن کیشیلر رقمی اوتمیش ییل‌لرگه قره‌گنده کوپه‌یگن.
بادغیس ولایتی کسل‌خانه نینگ نرسنگ مدیری احسان‌الله ثابت نینگ سلام‌وطندار گه تأیید قیلگن که، جاری ییل باشلنگنیدن حاضرگچه، مذکور ولایتده ترافیکی واقعه نتیجه‌سیده ۱۵ کیشی هلاک و ۵۰۰ دن آرتیق کیشی ایسه یرهلنگن.
بادغیس یشاوچیلری نینگ ایتیش‌لریچه، هیداوچیلرنینگ تیزهیده‌شی، ترافیکی اشاره یوقلیگی و شونینگدیک عایله‌لر و ترافیک اداره‌سی نینگ توجه‌سیزلیگی سبب اوشبو ولایتده ترافیکی واقعه‌لر کوپه‌یگن. بادغیس‌ده کسل‌خانه مسئوللری و یشاوچیلر بو ولایتده سند‌سیز و یاش قویی بولگن باله هیداوچیلر خصوصیده خواطر بیلدیریب و اولرنینگ بو حادثه عامل‌لری دیگنلر.
عین حالده، بادغیس ترافیک مدیریت مسئوللری اوشبو ولایتده ناقانونی هیداوچیلر بارلیگی نی قبول قیلیب و ایتیش‌لریچه، اولر بونده‌ی هیداوچیلرنینگ فعالیتی گه توسیق بولیش اوچون سعی و حرکت قیله‌دیلر. بادغیس ترافیک مدیری احسان‌الله، ترافیکی واقعه‌لرنی آلدینی آلیش اوچون عایله‌لردن، واسطه‌لری نینگ باله‌لر اختیاری گه قویمه‌یش‌لرینی سوره‌گن.
بیزلرنینگ فیسبوک صحیفه‌میزگه باش اورینگ!
جناب احسان نینگ کوپه‌یتیریشیچه: «واقعه‌لردن کویینچه‌سی یاش قویی بولگن باله‌لر سبب یوزبیره‌دی که درس و تعلیم کورمسدن هیده‌ش جوازی نی آلگنلر. بادغیس ولایت یشاوچی‌لریدن بیزلرنینگ ایسته‌گیمیز شو دیر که موتر و موترسایکل‌لری نی باله‌لرنینگ قولیگه بیرمه‌سینلر که اولر بازار ایچیده هیده‌ب و اهالی نینگ آزار و اذیتی گه سبب بولمه‌سین.»
بادغیس ترافیک مدیریتی و ولایتی کسل‌خانه مسئوللری گه کوره، مذکور ولایتده ترافیکی واقعه‌لردن کوپینچه‌سی سونگی اوچ آی جریانیده یوزبیرگن؛ که اوشبو واقعه‌لر ناگران بولیش، یره‌لنیش و نهایتده باله‌لرنینگ اولیمی‌گه سبب بولگن.
شونده‌ی بیرحالده، سونگی آی‌لرده کوپ ولایتلر اینیقسه مملکت قتناو یولللریده ترافیکی حادثه‌لر اونلرچه کیشی نینگ اولیمی گه سبب بولگن.
