اوتگن کون کابل بوییچه چین ایلچیسی وانگ یو، بیر توییت آرقه‌لی سابق دولت سقوط قیلگنیدن کیین، مملکتی انسان‌دوستلیک یاردم‌لریدن بیرینچی محموله‌سینی افغانستان یوبارگنی نی اعلام قیلدی. کابل بوییچه چین ایلچیسی نینگ ایتیشیچه، مذکور یاردم‌لرگه کمپل و ایسیق کییم‌لر شامل بوله‌دی.
وانگ یو نینگ کوپه‌یتیریشیچه، مذکور یاردم‌لر چین و افغانستان اهالیسی نینگ چقور دوستلیگی نی کورسته‌دی. شونینگدیک بوگون اسلامی امارت مهاجرلر وزیری بیر خبرنامه ترقه‌تیش بیلن اعلام قیلیشیچه، چین یاردم‌لریگه ۴ مینگ کمپل و ۳ مینگ ۷۸۰ جوره جاکت شامل بوله‌دی. بو وزیرلیک نینگ ایتیشیچه، اوشبو یاردم‌لر آواره بولگن کیشی‌لرگه ترقه‌تیله‌دی.
بیزلرنینگ فیسبوک صحیفه‌میزگه باش اورینگ!
مهاجرلر وزیرلیگی تامانیدن ترقه‌تیلگن خبرنامه‌ده کیلیشیچه، چین افغانستان گه یاردم‌لری نینگ دوام تاپیشی دن ایشانچ بیریب و ایتیشیچه، بو مملکت افغانستان اهالیسی نینگ حیات وضعیتی یخشی‌لنیشی اوچون همکارلیک قیلیش گه تیار دیر.
ایتیش کیره‌ک که اوتمیش ده سابق دولت و طالبان گروهی آره‌سیده یوزبیرگن آتیشمه‌لرده مملکتده مینگ‌لرچه عایله آواره بولیب و تینچ منطقه‌لرده پناه کیلتیرگن ایدی.
