منبع‌لردن قطاری نیمروز مرکزی زرنج شهری نینگ طالبان قولیگه سقوط قیلگنیدن خبر بیریشگن.
شونینگدیک نیمروز پولیس قومندانلیگی نینگ مطبوعات آمری غلام صدیق نورزی، زرنج شهری طالبان قولیگه سقوط قیلگنی نینگ تصدیق‌لگن. اونگه کوره، یاردمچی کوچلر ییتیشمه‌گنی باعث زرنج شهری طالبان قولیگه سقوط قیلگن.
بیزلرنینگ فیسبوک صحیفه‌میزگه باش اورینگ!
عین حالده، نیمروز ده محلی ایشانچلی بیر منبع آتی فاش ایتیلیشی نی ایستمه‌ی سلام‌وطندارگه ایتیشیچه، طالبان بوگون جمعه توشدن کیین والی دفتری نینگ بناسی، پولیس قومندانلیگی و چیگره کندک نی نظارت گه آلگن.
منبع نینگ کوپه‌یتیریشیچه، حاضر اوروش نیمروز ملی خوفسیزلیک ریاستی ده امنیتی کوچلر و طالبان گروهی آره‌سیده دوام ایتیب کیلماقده. اوشبو منبع گه کوره، طالبان زرنج شهری نینگ کوپینچه بولیمی نی آتیشمه یوزبیرمسدن نظارتگه آلگن و بو ولایت محلی رسمی‌لریدن قطاری ایران گه پناه ایلتگن.
شونینگدیک زرنج شهر یشاوچی‌لریدن قطاری نینگ ایتیش‌لریچه، طالبان بو شهر گه کیرگن.
ایتیش کیره‌ک که اوتگن کون هم نیمروز ولایتی نینگ کنگ تومنی طالبان قولیگه سقوط قیلگن ایدی و حاضر زرنج شهری نینگ سقوط قیلیشی بیلن غرب حوزه‌سی نینگ برچه بندرلری طالبان اختیاری گه قرار تاپگن.
