آمریکا تشقی ایشلر وزیری آنتونی بلینکن اوتگن کون (چهارشنبه ۱- جدی) توییتر صحیفه‌سیده، اوشبو مملکت تامانیدن افغانستان گه ۱ میلیون دوز کرونا واکسینی نینگ یتیشگنی‌دن خبر بیرگن.
آمریکا تشقی ایشلر وزیری نینگ ایتیشیچه، مذکور محموله یوباریلیشی بیلن اوشبو مملکت تامانیدن افغانستان گه یاردم بیریلگن واکسین‌لرنینگ رقمی ۳.۳ میلون دوز گه یتیشگن. اوشبو واکسین‌لر کوواکس آرقلی یوباریلگن.
بیزلرنینگ فیسبوک صحیفه‌میزگه باش اورینگ!
آنتونی بیلکن نینگ اورغولشیچه، آمریکا افغانستان اهالی‌سیگه انسان دوست‌لیک نیازلری‌دن حمایت قیلیش گه متعهد دیر که بونگه اهالی نینگ جانی نی قوتقریش اوچون فایده‌لی و تینچ واکسین‌لر نینگ تهیه‌سی شامل دیر.
عین حالده، افغانستان تینچلیگی بوییچه آمریکا تشقی ایشلر وزیرلیگی نینگ خاص نماینده‌سی توماس وست نینگ ایتیشیچه، اوشبو مملکت تامانیدن یوباریلگن واکسین‌لر، افغانستان یشاوچیلری نینگ یشش و اجتماعی ساغلیگی اوچون فایده‌لی دیر. اونگه کوره، آمریکا تامانیدن افغانستان گه یاردم بولگن کرونا واکسینی نینگ قالگن محموله‌لری، یولده دیر.
