۵۶ یاشر رخشانه فقر و آچلیک سبب، غور ولایتی نینگ تولک تومنیدن بو ولایت مرکزی گه آواره بولیب و حاضر ایسه مهاجرلر کمپی ده یشه‌یدیگ بیر آنه دیر. اوشبو آنه نینگ ایتیشیچه، فقر و قشاقلیک اونینگ کیچیک اوغیل باله‌لری نینگ ساتیش گه زورلنتیرگن.
اونینگ ایتیشیچه، ۴ آیدن بویان مهاجر بولگن و بو پیتده یالغیز بیر مرته یاردم قولگه کیلتیرگن.
رخشانه‌دن باشقه عایله‌لر هم فیروزکوه شهری نینگ اطرافیده‌گی کمپ‌لرده بار که اولر کوپ قیینچیلیکلر بیلن کیچه و کوندوزلرینی اوتکزه‌دیلر.
فیروزکوه شهری نینگ مهاجرلر کمپ مسئولی عبدالکریم، اوشبو کمپ‌ده‌گی عایله‌لرنینگ یمان وضعیتده حیات کیچیریش‌لریدن خواطر بیلدیب ایتیشیچه، بو کمپ‌‌ده سوو و ییگولیک ماده نینگ یوقلیگی گه علاوه، کسل‌لرنی درمانلش اوچون داکتر هم یوق.
بیزلرنینگ فیسبوک صحیفه‌میزگه باش اورینگ!
غور مهاجرلر ریاست باشلیغی عبدالحی مبشر نینگ ایتیشیچه، اوشبو ولایتده اسلامی امارت حاکم بولگنیدن حاضرگه قدر، فقر و قوروقچیلیک باعث، بیرمینگ‌دن آرتیق عایله آواره بولگن و اولرنینگ جدی یاردم‌لرگه احتیاجی بار.
غور ولایتیده آواره بولگن عایله‌لرنینگ بیاناتی اساسیده، اوشبو ولایت نینگ مهاجرلر کمپی ده ۹۰دن آرتیق خیمه بار و بو خیمه‌لردن کوپینچه‌سیده ایکی و اوچ عایله بیربیراولری بیلن یمان بیر وضعیتده حیات کیچیره‌دی. اولر دولت و یاردم بیروچی نهاد‌لردن یاردم سوره‌گن.
