آذیق-آوقت و اساسی نیرسه‌لرگه علاوه، سونگی پیت‌لرده شونینگدیک دارولرنینگ بهاسی هم یوقاری کیتگن.
افغانستان درمانی خذمتلر انجمنی باشلیغی اسدالله کاکر نینگ ایتیشیچه، طالبان نینگ حکومتی فعالیت گه باشله‌شی بیلن، دارولرنینگ قیمتی ۱۰ الی ۱۵ فایز کوپه‌یگن.
جناب کاکر بانکی سیستم‌لرده‌گی قیینچلیکلر دارولر بهاسی یوقاری کیتگنی نینگ اصلی دلیلی دیب و ایتیشیچه، پول اوز زمانیده تشقی دارویی شرکت‌لرگه انتقال تاپمه‌یدی.
اونینگ کوپه‌یتیریشیچه، وارداتی دارولردن بیر مقداری مملکت گمرک‌لریده بند قالگن و بو دارولر تیزلیککه بازار گه وارد بولمه‌گن صورتده، اولرنینگ تاریخی اوتیب و نابود بولیشی نینگ احتمالی بار.
بیزلرنینگ فیسبوک صحیفه‌میزگه باش اورینگ!
افغانستان درمانی خذمتلر انجمنی باشلیغی، بانکی و باشقه قیینچلیکلر برطرف بولگن صورتده، اولر دارولرنینگ بهاسی و صفتی نی کنترول قیلیش توغریسیده ایشانچ بیرگن.
اسدالله کاکر دارولرنینگ گمرکی محصول‌لری نینگ فرق‌لریگه اشاره قیلیب و مقامات دن دارولرنینگ گمرکی محصول‌لرینی تینگ قیلیش‌لرینی سوره‌گن.
عین حالده، کابل نینگ هوتل پروان منطقه‌سیده عمده دارو ساته‌دیگنلرنینگ ایتیش‌لریچه، اسلامی امارت فعالیت گه باشله‌گنیدن بویان دارولرنینگ بهاسی یوقاری کیتگن.
اوچ دارو ساته‌دیگن قدیر، احمد شیر و فاروق شاه نینگ ایتیش‌لریچه، دارولرنینگ قیمتی یوقاری کیتگنی گه کوپ دلیل‌لر بار، بیراق اونینگ اصلی دلیلی بانکی قیینچلیکلر دیر.
عین حالده، افغانستان درمانی خذمتلر انجمنی باشلیغی اسدالله کاکر نینگ ایتیشیچه، اوتگن کونلرده تورت دارو ساته‌دیگن کیشی ناتانیش کیشیلر تامانیدن اوغیرلنگن.
اونینگ کوپه‌یتیریشیچه، اوغیرلنگن کیشیلر بلخ و کابل یشاوچی‌لری دیر.
