طبیعی حادثه‌لرگه قرشی کوره‌ش ایشلری بوییچه دولت وزیرلیگی مسئوللری کابل ده خبری بیر ییغین اوتکزیب ایتیش‌لریچه، سونگی بیر آیده مملکت ۲۵ ولایتیده ۳۲ مینگ عایله بدرغه بولگن.
طبیعی حادثه‌لرگه قرشی کوره‌ش ایشلر بوییچه دولت وزیری غلام بهاوالدین جیلانی نینگ ایتیشیچه، مذکور عایله‌لر سووتاشقین‌لری و قوروق‌چیلک گه اوخشه‌گن طبیعی حادثه‌لر و امنیتی قیینچلیکلر باعث بدرغه بولگن.
بیزلرنینگ فیسبوک صحیفه‌میزگه باش اورینگ!
جناب جیلانی گه کوره، ۲۵ ولایتده نظیری بولمه‌گن شاشلینچ حالت عملیات‌لرینی باشله‌گنلر و اوتگن کون ایسه ۱۷ ولایت بدرغه‌لریگه یاردم بیریلگن.
جیلانی نینگ کوپه‌یتیریشیچه: «سونگی ایکی ییل ده بوتون افغانستان ده ۵ میلیون کیشی تروروچیلر و طالبلرنینگ قولیدن اویلرینی ترک قیلیب و شهرلرگه کیتگنلر و سونگی بیر آیده ۲۵ ولاتیده ۳۲ مینگ و ۳۸۴ عایله بدرغه بولگن.»
بیزلرنینگ توییترده هم تعقیب قیلینگ!
طبیعی حادثه‌لرگه قرشی کوره‌ش ایشلری بوییچه دولت وزیرلیگی مسئوللری مذکور خبری ییغینده ایتیش‌لریچه، حکومتدن بدرغه‌لرگه یاردم بیریش اوچون ۵۰۰ میلیون افغانی نینگ بو وزیرلیک اختیاری گه قرار بیریشی نی سوره‌شگن.
اوشبو وزیرلیک آماری اساسیده، سونگی ایکی ییل ده بوتون افغانستان ده ۵ میلیون کیشی آواره بولگن.
