مملکت جمهوررئیسی محمداشرف غنی و ملی مصالحه عالی کینگش باشلیغی عبدالله عبدالله، آمریکا جمهوررئیسی تامانیدن رسمی بیر چقیروو اساسیده، بیر هیأت بیلن واشنگتن سفر قیلگن.
مذکور سفر ده افغانستان هیأتی آمریکا جمهوررئیسی جوبایدن، نماینده‌لر کینگش اعضالری، سنا کینگش اعضالری و شونینگدیک مذکور مملکت قطار یوقاری مرتبه‌لی رسمی‌لری بیلن اوچره‌شیشی ممکن.
بیزلرنینگ فیسبوک صحیفه‌میزگه باش اورینگ!
کورینیشچه مذکور سفر دن مقصد افغانستان امنیتی و دفاعی کوچلریگه آمریکا و دنیا جماعه چیلیگی نینگ حربی و اقتصادی یاردم‌لری نینگ دوام تاپیشی دیر، بیراق ایش بیلرمانلردن قطاری نینگ ایشانچ‌لریگه کوره، مذکور سفر ده آمریکا جمهوررئیسی جوبایدن، جناب غنی نینگ قدرت تینچ بیر شکلده انتقال تاپیشی خصوصیده تیارگرلیک آلیشگه زورله‌یدی.
مذکور سفر ده جناب غنی و عبدالله نینگ جمهورلیک ریاست بیرینچی اورین باسری، تشقی ایشلر وزیری، ملی خوفسیزلیک کینگش مصلحتچیسی، وحید عمر، حبیبه سرابی، فاطمه گیلانی، شهرزاد اکبر و باشقه قطار سیاسی سیمالر همراه‌لیک قیله‌دی.
سیاسی ایش بیلرمانلرگه کوره، بو سفر افغانستان بیلن آمریکا نینگ ینگی فصل سیاسی علاقه‌لرینی کوچه‌یتیره‌دی، بیراق حاضرگی وضعیت ده سفر قیلیش اورنیده مملکت اوروشی اوستیگه جدی توجه قیلینیشی کیره‌ک ایدی.
بیزلرنینگ توییترده هم تعقیب قیلینگ!
مذکور سفر ده سیاسی موضوعلرگه علاوه، افغانستان ده انسان حقلری وضعیتی، بو مملکت گه انسان دوستلیک یاردملر، انسان حقلری و مدنی جماعه چیلیک دن حمایت قیلیش و باشقه قطار موضوعلر بحث گه آلینه‌دی.
شونده‌ی بیرحالده، جناب غنی و عبدالله نینگ یولداشلیک قیله‌دیگن هیأت سیاستچیلر و اجتماعی ترماقلر کاربرلریدن قطاری نینگ عکس‌العمل‌لریگه روپه رو بولگن.
