کمیده ۱۰ کون آلدین چیت‌ایللیک کوچلر افغانستان ده اینگ کتته پایگاه‌لریدن بیری (بگرام) نی ترک قیلیب و افغانستان ده اوزلری نینگ ۲۰ ییل‌لیک حضوری نی یکونلنتیردی.
جمهوررئیس محمداشرف غنی مذکور قونالغه و بگرام حربی پایگاهی نینگ کوریب چیققنیدن کیین، اجتماعی ترماقلرده جمهوررئیس نینگ بیر بویروغی قولمه قول بوله‌دی که بو بویروغ اساسیده، بگرام نینگ ۲۲ جنراتوری اوشبو حربی منطقه‌دن برشنا شرکتی نینگ سرمایه‌سیگه اضافه بولیب و اولرنینگ ننگرهار ولایتی گه انتقال بیریلیشی گه قرار قیلینگن.
بو موضوع پروان محلی اداره‌سی، ولایتی کینگشی، سیاسی فعاللری و یشاوچی‌لری نینگ جدی عکس‌العمل‌لریگه روپه‌رو بولگن.
پروان مدنی فعاللریدن ویس‌الدین فرهادی و جواد راسخ نینگ ایشانچی گه کوره، اوتگن ۲۰ ییل ده بیر ضرورت اساسیده بو جنراتورلر بگرام اوچون ساتیب آلینیب و فعال قیلینگن ایدی. بیراق اولرگه کوره، حاضر قیسی تیکشیروو اساسیده اوشبو حربی منطقه نینگ سرمایه‌لری تشقری چیقاریله‌دی؟
اولرنینگ اورغولشیچه، پروان یشاوچی‌لری سینه‌لری نینگ اوستیگه تاش قوییب و بگرام ده تشقی کوچلرنینگ حضوری نی برچه قیینچلیگی بیلن قبول قیلدی و حاضر چیت‌ایللیک کوچلر بو پایگاه‌دن کیتگن و اولردن قالگن جهازلردن باشقه کیشیلر فایده‌لنه‌دی که بو اولر تامانیدن قبول قیلینمه‌یدی و بو بگرام و پروان یشاوچی‌لری نینگ عقده‌یی قیله‌دی.
بیزلرنینگ فیسبوک صحیفه‌میزگه باش اورینگ!
عین حالده، پروان ولایتی کینگش اعضالری، بگرام ده چیت‌ایللیک کوچلردن قالگن جهازلر و تأسیسات‌لرگه قول اورینیشی گه اوز قرشی‌لیک‌لرینی بیلدیریب و ایتیش‌لریچه، اوشبو اونملی حربی منطقه نینگ کوپینچه امکانیت و جهازلرگه احتیاجی بار.
- وال‌استریت ژورنال کونده‌لیگی آمریکا نینگ کابلده‌گی ایلچی‌خانه‌سی بوشه‌تیلیشیدن خبر بیرگن
- سنتکام: آمریکالیک حربیلرنینگ افغانستان دن چیقیش پروسه‌سی ۳۰ الی ۴۴ فایز عمل گه آشیریلگن
- آمریکا ایلچی‌خانه‌سی: اوتگن ۱۲ ییل ده افغانستان ده ۳۸ مینگ تینچ‌اهالی اولدیریلگن
- دیپلماتلرنینگ امنیتی نی تأمین‌لش اوچون کمیده ۶۰۰ آمریکالیک حربی افغانستان ده قاله‌دی
پروان ولایتی کینگش باشلیغی امین‌الله شکوری نینگ سلام‌وطندارگه ایتیشیچه، چیت‌ایللیک کوچلرنینگ چیققنیدن کیین انتقال بیریله‌دیگن جنراتورلر کیره‌ک بولمه‌گن صورتده، پروان و کابل شمالی نینگ اهالیسی باشقه هر کیم دن کوره جنراتورلرنینگ برقی گه احتیاجی بار و بو جنراتورلردن چیت‌ایللیک کوچلر حضوری نینگ قیینچلیگی نی تحمل قیلگن کیشیلرنینگ اویی نی آیدین‌لشتیریش اوچون فایده‌لنیش کیره‌ک.
پروان ولایتی کینگش باشلیغی نینگ آگاه‌لنتیریشیچه، بگرام نینگ سرمایه‌لری انتقال تاپیشی توغریسیده بو ولایت یشاوچی‌لری و کینگشی نینگ ایسته‌گی هر کیم تامانیدن جدی آلینمه‌گن صورتده، اولرنینگ جدی عکس‌العمل‌لریگه روپه‌رو بولیشی ممکن.
شونده‌ی بیرحالده، پروان محلی اداره‌سی ۲۲ جنراتور انتقال تاپیب و برشنا شرکتی نینگ سرمایه‌سیگه اضافه بولیشی خصوصیدگی جمهورلیک ریاستی نینگ بویروغیدن، اوز خبرسیزلیگی نی بیلدیره‌دی.
مذکور ۲۲ پایه جنراتور ۱۰.۶۹ میگاوات برق ایشلب چیقاریش ضرفیتی گه ایگه دیر و اوشبو جنراتورلردن اوتگن ۲۰ ییل ده قونالغه و بگرام حربی قرارگاهی نینگ آیدین‌لشتیریش اوچون قوللنه‌دی ایکن که بو پایگاه حربی چیت‌ایللیک کوچلر تامانیدن بوشه‌تیلگنیدن کیین، مذکور جنراتورلر دن فایده‌لنمه‌گن.
