بلخ تومن‌لریده دارو و امکانیت یوقلیگی، یوزلرچه کسل و کسل‌دارلرنینگ مزارشریف شهری گه باریش اوچون زورلنتیرگن. کسل‌لرنینگ کوپلیگی و داکترلر و مسئوللرنینگ توجه قیلمسلیگی، اولر اوچون کتته قیینچلیکلر یره‌تگن.
آنه‌سی نینگ درمان‌لش اوچون شولگره تومنی نینگ مهاجر قیشلاغیدن شهر مرکزی گه کیلگن مرتضی نینگ ایتیشیچه: «بیزلرنی قیشلاغی‌میزده دارو و داکتر یوق. بیزلر کسلی‌میزنی درمان‌لش اوچون بو ییرده کیلگن‌میز. کوپ قیینچلیک بیلن نوبت آلدیک و کسلی‌میزنی معاینه قیلیش اوچون بو ییرده کوتیب توردیک. دارو یوق، داکتر یوق. بیزلر شو ییرده اولتیردیک بیروبار هم کوپ دیر و بیزلر دارونی هم تشقری دن کیلتیره‌میز.»
تورموش اورتاغی نی دارولش اوچون کیلگن عبدالصبور، چهارکنت تومنیده دارو یوقلیگیدن شکایت قیلیب و اسلامی امارت دن اهالی نینگ قیینچلیک‌لرینی حل قیلیش‌لرینی سوره‌گن.
بیزلرنینگ فیسبوک صحیفه‌میزگه باش اورینگ!
بلخ ساغلیق نی سقلش رئیسی شیخ میر صدام، تومن‌لرده اهالی نینگ قیینچلیک‌لرینی تصدیقلب ایتیشیچه، اهالی خذمت ایسته‌یدی، بیراق بو کسلخانه دارو یوقلیگی و امکانیت کم‌لیگی بیلن روپه‌رو دیر.
نظام اوزگریشی بیلن افغانستان گه دنیا یاردم‌لری توخته‌تیلدی و شونینگدیک دنیا نهادلری افغانستان ده ساغلیک نظام نابود بولیشی توغریسیده آگاه‌لنتیرگن.