خلق ارا نجات کمیته‌سی، ینگی بیر گزارش ترقه‌تیب ایتیشیچه، افغانستان ساغلیک سیستمی نابود بولیش خطری بیلن قرار تاپگن و اوشبو مملکت ساغلیک مرکزلریدن ۹۰ فایزیدن آرتیغی نینگ باغلنیشی ممکن.
گزارش‌ده کیلیشیچه، اسلامی امارت نینگ قدرت گه ایریشیشی بیلن، خلق‌ارا مالی حمایت قیلووچی‌لردن کوپینچه‌سی، افغانستان گه مالی یاردم‌لرینی توخته‌تیب و اوشبو مملکت سرمایه‌لریدن میلیاردلرچه دالری نی باغله‌گن. گزارش‌دن نقل قیلینیشیچه، اوشبو یاردملر بولمه‌گن صورتده، افغانستان ساغلیک مرکزلریدن کوپینچه‌سی باغله‌نیب و میلیون‌لرچه کیشی دستلبکی ساغلیک خذمت‌لردن محروم بوله‌دی.
خلق ارا نجات کمیته‌سی نینگ کوپه‌یتیریشیچه، اوتگن ایکی دهه‌ده افغانستان دولت ایشلاوچیلری اینیقسه ساغلیک ایشلاوچیلری و اوقیتووچیلرنینگ حقوقی و کیره‌کلی عمومی خذمتلر ارایه‌سی اوچون جدی شکلده تشقی بودجه گه تیگیشلی ایکن.
عین حالده، سابق دولت نینگ عمومی خره‌جت‌لریدن ۷۵ فایزی تشقی منبع‌لردن تامین‌لنیب و افغانستان یشاوچی‌لریدن کمیده ۳۰ میلیونی دنیا بانکی مدیریتی آستیده‌گی برنامه آرقلی، ساغلیک خذمتلر گه قول تاپگن ایدیلر.
بیزلرنینگ فیسبوک صحیفه‌میزگه باش اورینگ!
مذکور کمیته نینگ اورغولشیچه، حاضر اوشبو مملکت نینگ ساغلیک مرکزلریدن ۹۰ فایزیدن آرتیغی باغلنیب و میلیون‌لرچه کیشی نینگ دستبلکی مراقبت‌لردن محروم بولیشلری ممکن، شونینگدیک یوقه‌یدیگن کسل‌لیکلر، توییب آوقت‌لنمه‌سلیک و آلدی آلینه‌دیگن اولیم‌لر رواج‌لنیشی افغانستان یشاوچیلری نی تهدید قیله‌دی.
اوشبو کمیته نینگ گزارشیده، افغانستان اقتصادی وضعیتی حقیده ایتیلگن که میلادی ۲۰۲۱- ییل نینگ اداغی گچه، افغانستان یشاوچی‌لریدن یریمی ییمک ناخوفسیزلیگی بیلن روپه‌رو ایدیلر و جاری میلادی ییل نینگ باشیده ۵۵ فایزی جدی ییمک ناخوفسیزلیگی بیلن روپه‌رو بولیشلری ممکن.
مذکور کمیته نینگ اورغولشیچه، اوشبو مملکت ییگولیک ماده کملیگی، دستلبکی ماده بهاسی نینگ کوپه‌یگنی و قوروقچیلیک بیلن روپه‌رو بولگن بیرحالده، میلادی ۲۰۲۲- ییل ده افغانستان جدی آچلیک و کوپینچه کیشیلرنینگ مهاجر بولیشی گه شاهد بولیشی ممکن.
شونینگدیک بوندن آلدین، خلق ارا نهادلر افغانستان اقتصادی و اوشبو مملکت نینگ ساغلیک نظامی نابود بولیشی توغریسیده آگاه‌لنتیریب و ایتگن ایدیلر که بو مملکت گه تیزلیککه عاجل یاردملر یوباریلمه‌گن صورتده، تاریخ‌ده اینگ یمان انسانی فاجعه یوزبیریشی ممکن.