اقتصادی ایش بیلرمان‌لردن قطاری نینگ ایتیش‌لریچه، قزاقستان نینگ حاضرگی سیاسی ثبات‌سیزلیگی و ناتینچ‌لیگی، افغانستان ده اقتصادی بحران نینگ کوپه‌یشی گه سلبی تاثیر قویه‌دی.
اولرنینگ تأکید قیلیش‌لریچه، قزاقستان ده جاری وضعیتی دوام قیلگن صورتده، اوشبو مملکت بیلن افغانستان واردات و صادراتی قیین‌چیلیک بیلن روپه‌رو بولیشی ممکن.
اقتصادی ایش بیلرمان‌لردن بیری صیام پسرلی: «بیزلر دستلبکی ماده‌لر اینیقسه اون نی قزاقستان دن وارد قیله‌میز. قزاقستان نینگ سونگی وضعیتی واردات و صادرات کمه‌یشی گه سبب بولگن و مملکت سوداگرلری نینگ وضعیتی یخشی ایمس و نابیللی بیر تقدیر بیلن دوچ کیلگنلر.
بیزلرنینگ فیسبوک صحیفه‌میزگه باش اورینگ!
شونینگدیک اقتصادی ایش بیلرمان‌لردن باشقه بیری سیف‌الدین سیحون نینگ ایشانچی گه کوره، قزاقستان‌دن وارداتی ماده نینگ تامین‌لنیشی اوچون بدیل یوللر تاپیلمه‌گن صورتده، افغانستان ده توارلر بهاسی کوپه‌یب و مملکتده اقتصادی فاجعه یوز بیریشی ممکن.
شونینگدیک، بوتوغریده اسلامی امارت رسمی‌لری نینگ فکری نی آلیش ایسته‌دیک؛ بیراق موفق بولمه‌دیک.
اوتگن هفته، قزاقستان ده یانغین ماده بهاسی نینگ کوپه‌یگنی باعث، ناراضلیک نمایش یولگه قوییلدی که نتیجه‌ده، کوپ کیشی هلاک و یره‌لندی.
مذکور اعتراض‌لردن کیین، قزاقستان جمهوررئیسی امنیتی کوچلر گه اعتراضچیلر بیلن جدی یول باریش‌لریگه بویروغ بیردی و شونینگدیک روسیه شامل جمعی خوفسیزلیک پیمان تشکیلاتیدن مملکتی گه حربی کوچلر یوباریلیشی نی سوره‌دی.