پاکستان باش وزیری عمران خان نینگ دفتری بیر اعلامیه ترقه‌تیب ایتیشیچه، جناب خان اوتگن کون اقلیم ایش‌لری بوییچه آمریکا خاص نماینده‌سی جان کری بیلن سعودی عربستان پایتختی ریاض شهریده اوچره‌شگن.
اعلامیه‌ده کیلیشیچه، پاکستان باش وزیری بو اوچره‌شووده افغانستان اقتصادی نینگ بوزیلیشی نی آلدینی آلیش اوستیگه اورغولب و ایتگن که افغانستان نینگ باغلنگن پوللری بو مملکت یشاوچی‌لری نینگ آسایشته‌لیگی اوچون اونملی دیر.
اعلامیه اساسیده، شونینگدیک عمران خان بو اوچره‌شووده تینچ بیر افغانستان نینگ اهمیتی و افغانستان ده تینچلیک تأمین‌لنیشی و انسانی فاجعه نینگ آلدی آلینیشی اوستیگه اورغوله‌گن.
بیزلرنینگ فیسبوک صحیفه‌میزگه باش اورینگ!
اعلامیه ده ایتیلیشیچه، افغانستان بیلن یخشی علاقه گه اوتیش و بو مملکت یشاوچی‌لری نینگ آسایشته‌لیگی اوچون افغانستان اقتصادی منبع‌لری و مالی سرمایه‌لری نینگ آزاد ایتیلیشی اونملی دیر.
شونده‌ی بیرحالده، اسلامی امارت ۲۴- اسد ده افغانستان نی تصرف قیلدی. اوشه زمان دن حاضرگچه آمریکا بانک‌لریده سقلنه‌دیگن افغانستان مرکزی بانکی نینگ ذخیره‌لریده کمیده ۱۰ میلیارد دالری آمریکا تامانیدن باغلنگن.
عین حالده، پاکستان نیچه مرته افغانستان مرکزی بانک ذخیره‌لری نینگ آزاد ایتیلیشی نی سوره‌گن. بیراق آمریکا بو پول نینگ آزاد قیلمه‌سینی ایتگن، اما افغانستان گه انسان‌دوستلیک یاردم‌لرگه دوام بیریشی توغریسیده سوزبیرگن.
