اسلامی امارت سوزلاوچیسی ذبیح‌الله مجاهد نینگ ایتیشیچه، طالبان حربی‌لری کابل شهری نینگ ۱۷- خوفسیزلیک حوزه‌سیده داعش نینگ بیر مرکزی اوستیگه عملیات قیلگن. جناب مجاهد گه کوره، اوشبو عملیات اوتگن کیچه اسلامی امارت نینگ خاص قطعه‌سی تامانیدن یولگه قوییلگن.
اسلامی امارت سوزلاوچیسی نینگ کوپه‌یتیریشیچه، بو عملیات کوپ قاطع و کیسکین ایکن و داعشی‌لرنینگ مرکزی بوتونلی نابود بولگن و مذکور مرکزده‌گی داعش‌لرنینگ برچه‌سی هلاک ایتیلگن. بیراق ذبیح‌الله مجاهد مذکور آتیشمه نینگ بیللی تلفاتی توغریسیده هیچ بیر رقم ترقتمه‌گن.
عین حالده، اوتگن کیچه کابل نینگ شمالیدن نیچه پارتلش نی سیسی ایشیتیلگن.
بیزلرنینگ فیسبوک صحیفه‌میزگه باش اورینگ!
اسلامی امارت رسمی‌لری، داعش گروهی نینگ جنگریلری بیلن آتیشگن‌لری ایتگن ایدی. شونینگدیک قطار محلی منبعلر، قوراللی کیشیلر کابل شمالیده اسلامی امارت نینگ قرارگاه‌لریده هجوم قیلگنی نی بیلدیرگن ایدی.
باشقه بیر تاماندن اوتگن کون کابل شهری نینگ عیدگاه مسجدی یقیین‌لیگیده بیر پارتلش یوز بیردی. ایتیلیشیچه، مذکور مسجد ده ذبیح‌الله مجاهد نینگ آنه‌سینی فاتحه مراسمی بار ایکن. اوشبو پارتلش تلفاتی دن تورلی گزارشلر ترقه‌تیلگن. قطار رسانه‌لر مذکور حادثه ده ۸ کیشی هلاک و باشقه ۲۰ کیشی یره‌لنگن دیگن و شونینگدیک باشقه بیر قطاری ایسه ۵ کیشی هلاک و ۱۱ کیشی یره‌لنگن دیدی.
بو حادثه مسئولیتی نی حاضرگچه بیرار گروه یا-ده شخص بوینیگه آلمه‌گن.
