آمریکا جمهوررئیسی جو بایدن، افغانستان‌دن چقیش جریانی تکمیل بولگنیدن کیین بیرینچی بیاناتیده افغانستان برابریده آلگن قراریدن ینه بیر مرته دفاع قیلیب ایتیشیچه «افغانستان‌دن چیقیش آمریکا اوچون اینگ یخشی قرار ایدی.» جناب بایدن افغانستان‌دن ۱۲۰ مینگ‌دن آرتیق کیشی نینگ هوایی تخلیه قیلیش عملیات نی تقدیرله‌گن.
بایدن مذکور بیاناتیده آمریکا یشاوچی‌لری‌گه خطاب ایتیشیچه، افغانستان دن آمریکا گه هجوم قیلیش پایگاهی صفتیده استعمال قیلنمه‌سی، یالغیز آمریکا نینگ ملی منفعتی ایمس دیر. آمریکا جمهوررئیسی اونینگ برابریده مطرح قیلینگن انتقادلرگه عکس‌العمل کورسه‌تیب ایتیشیچه، ۲۰ ییل‌لیک اوروش دن کیین آمریکالیک‌لردن ینه بیر نسل نی افغانستان گه یوباریش نیتیده ایمس ایکن.
بیزلرنینگ فیسبوک صحیفه‌میزگه باش اورینگ!
جو بایدن نینگ کوپه‌یتیریشیچه، آمریکا نینگ سابق جمهوررئیسی دونالد ترامپ طالبان بیلن معامله قیلگن ایکن و او آق‌سرای‌گه کیرگنیدن کیین ایکی گزینه « ترامپ و طالبان آره‌سیده صورت تاپگن کیلیشووگه پابند قالیش» و «افغانستان‌گه مینگ‌لرچه حربی یوباریب و اوروش نی شدت‌لنتیریش» دن بیرینچی گزینه نی انتخاب قیلگن.
آمریکا جمهوررئیسی‌گه کوره، افغانستان دولتی آمریکا حربی‌لری چیققنیدن کیین دوام کیلتیریش‌لرینی کوتیب تورگن ایکن؛ بیراق، بو توشونچه اشتباه ثابت بولدی.
عین حالده، بایدن نینگ تنقیدچی‌لری اونینگ افغان بیرلشیک‌لریگه خیانت قیلیش، آمریکا امنیتی منفعت‌لری نینگ خطر بیلن روپه‌رو قیلیش و دنیا ده آمریکا نینگ اعتباری‌گه ضربه اوریش گه عیبله‌گن.
باشقه بیر تامان‌دن، اوتگن کون طالبان افغانستان‌دن آمریکالیک حربی‌لری نینگ سونگی حربی‌سی چیققنیدن کیین، اوق آتیش بیلن کامیاب‌لیک‌لری نینگ نشانله‌گن.
شونینگدیک، طالبان ویزا و پاسپورتی بار کیشی‌لرنی مملکت‌دن چیقیش اوچون رخصت بیریلیشی خصوصیده سوز بیرگن و آمریکا تشقی ایشلر وزیری آنتونی بلینکن نینگ ایتیشیچه، طالبان سوزلری‌گه عمل قیلیش‌لری کیره‌ک.