غور ساغلیک مسئوللری مذکور ولایتده باله‌لر آره‌سیده قیزه‌میق کسللیگی نینگ کینگه‌یشیدن خواطر بیلدیریب و ایتیش‌لریچه، واکسیناسیون برنامه‌سی عملی ایتیلمه‌گنی باعث بو کسللیک کینگه‌یگن.
غور ساغلیک ریاست سرویلانس مسئولی محمدنظیم فضل نینگ سلام‌وطندارگه ایتیشیچه، مذکور کسللیک نینگ کینگه‌یگنیدن بویان ۱۲۰۰ دن آرتیق باله بو ولایت مرکزی کسلخانه‌سیگه مراجعت قیلگن که بولردن ۲۱ ته‌سی جان بیرگن.
جناب فضل قیزه‌میق کسللیگی نینگ کینگه‌یش دلیلی نی کرونایی وضعیتده واکسیناسیون برنامه‌سی عملی ایتیلمه‌گنی دیدی. باشقه بیر تاماندن غور مرکزی کسلخانه باشلیغی ملا محمود نینگ ایتیشیچه، بو ولایتده قیزه‌میق کسللیگی نینگ کینگه‌یشی اوشبو کسلخانه ده باشقه کسل‌لر اوچون جای قالمه‌یشی گه سبب بولگن.
بیزلرنینگ فیسبوک صحیفه‌میزگه باش اورینگ!
عین حالده، غور ولایتیده طالبان ساغلیک ریاست باشلیغی احسان‌الله نینگ ایتیشیچه، اولر کسل‌لرنی داورلش اوچون قیشلاق‌لرده تیم‌لرنی یوبارگن و شونینگدیک بو قیینچلیک نی ساغلیک وزیرلیگی و دنیا ساغلیک تشکیلاتی بیلن شریک قیلگنلر.
اونینگ کوپه‌یتیریشیچه، غور کسلخانه‌لری دارو و ساغلیک ملزمه‌لری نینگ کم‌لیگی بیلن روپه‌رو دیر. غور ساغلیک مسئوللری نینگ بیاناتی اساسیده، آغیر تب، بورون دن سوو کیلیش، اشتهاسیزلیک و یوتل قیزه‌میق کسللیگی نینگ نشانه‌لریدن دیر.
