هرات ده فرهنگی‌لردن بیرقطاری، بوگون (چهارشنبه، ۱ سنبله)، «اتفاق اسلام» گزیته‌سی تأسیس ایتیلیش ۱۰۳-ییل‌لیگیدن نشانله‌دیلر. اتفاق اسلام گزیته‌سی، مملکت غربی ده دولتی بیرینچی گزیته سنله‌دی.
اتفاق اسلام گزیته‌سی مسئولی فایق هروی گه کوره، اوشبو گزیته هر کونی ۳۰۰ تیراژ ده چاپ ایتیلیب و هرات شهری بویلب ترقه له‌دی.
او نینگ کوپه‌یتیریشیچه: «یشاوچیلر نینگ طلبی گه بناً اوشبو گزیته محتواسیده اوزگریش کیلتیریلگن، ساغلیک، سیاسی، اقتصادی و فرهنگی بولیم‌لرده کوپراق دقت قیلینیب و چاپ ایتیلیشی کوتیله‌دی.»
بیزلرنینگ فیسبوک صحیفه‌میزگه باش اورینگ!
هرات ده فرهنگی‌لردن بیرقطاری، معلومات و مدنیت وزیرلیگی مسئوللری دن اتفاق اسلام گزیته‌سی گه کوپراق دقت قیلیشینی طلب قیله‌دیلر.
هرات فرهنگی‌لریدن بیری عبدالغنی نکسیر نینگ ایتیشیچه: «۱۰۳ییل فعالیتی بولگن گزیته ده ۳۰۰ تیراژ ده چاپ بولیشی آز دیر. اوشبو گزیته نینگ شخصیتی اوچون هر کونی کمیده ایکی-اوچ مینگ تیراژ ده چاپ بولیشی کیره‌ک.»
هرات فرهنگی‌لریدن باشقه بیری نعمت‌الله سروری گه کوره، اتفاق اسلام گزیته‌سی، جمعیت ده شخصیت‌لر نینگ ییتیشتیریش ده تأثیرچن رول اوینب کیلگن.
باشقه تاماندن، هرات معلومات و مدنیت ریاستی مسئوللری، معلومات و مدنیت وزیرلیگی دن اتفاق اسلام گزیته‌سی نینگ صفتی و کمیتی باره‌سیده دقت قیلیشینی طلب قیله‌دیلر.
بیزلرنینگ توییترده هم تعقیب قیلینگ!
هرات معلومات و مدنیت باشلیغی نعیم‌الحق حقانی گه کوره، اتفاق اسلام گزیته‌سی هر کونی بیر مینگ تیراژ ده رنگه روشده چاپ ایتیلیشی اوچون سعی‌وحرکت قیلماقده‌لر.
او نینگ کوپه‌یتیریشیچه: «اتفاق اسلام گزیته‌سی رنگه روشده بیر مینگ تیراژ ده چاپ ایتیلیشی اوچون تلاش قیلماقده‌میز. بلدیه ریاستی یاردمی بیلن بیر سرک نی اتفاق اسلام آتیده قویه‌میز.»
اتفاق اسلام گزیته‌سی، هرات ادیب‌لری و فرهنگی‌لری نینگ میراثی سنله‌دی. مذکور گزیته ایریم قیینچیلیک‌لرنی اوتکزگن و ایش بیلرمان‌لر نینگ ایشانچی کوره، حاضرگی کونده اوشبو گزیته نینگ احوالی یخشی بولگن.
