هرات ده ایکینچیلردن قطاری نینگ ایتیشلریچه، آچیق فضادن قوللنیش اورنیده، گل‌خانه‌دن فایده‌لنه‌دیلر که انه شوو سبب، ایکینچیلیک حاصللری کوپه‌یگن.
اولرگه کوره، هرات ولایتی نینگ یخشی هواسی بولگنی سبب ایکینچیلیک اولر اوچون یخشی درآمد منبع‌سیگه اوزگریب و اوشبو ولایت، ایکینچیلیک محصولاتی نینگ تولید بولیشی نقطه‌ی نظری‌دن خودکفالیککه ییتیشگن.
باشقه بیرتاماندن، هرات ایکینچیلیک، سووغاریش و چاروه‌چیلیک ریاستی مسئوللری نینگ ایتیشلریچه، اوشبو ولایت گل‌خانه‌یی تولیدات نقطه‌ی نظری‌دن خودکفالیککه ییتیشیب و هرات ولایتی‌دن قوشنی ولایت‌لر گه هم ایکینچیلیک محصوللری صادر بوله‌دی.
بیزلرنینگ فیسبوک صحیفه‌میزگه باش اورینگ!
هرات ایکینچیلیک ریاستی اوسیم‌لیکلر نی رواجلنتیریش مدیری بشیراحمد احمدی نینگ سلام‌وطندار گه ایتیشیچه: «هرات و غرب زونی نینگ نیازلری بو گل‌خانه‌لر آرقه‌لی تامین بوله‌دی. قیش موسومی یعنی قیش نینگ ایکی آیی‌ده سبزه‌واتلردن ۸۰-۸۵ فایزی‌نی بو گل‌خانه‌لرده تیارلنیب و بازارگه عرضه بولینیشینی ایته آله‌میز.»
شونینگدیک ایکینچیلر گل‌خانه‌لردن قوللنیش نی عایله‌لر اقتصادی رواجلنیشی اوچون فایده‌لی بیله‌دیلر. مذکور ولایت‌ده ایکی ییل‌دن بیری ایکینچیلیک ییرلریگه پمیدار ایکه‌دیگن موسا جعفری نینگ ایتیشیچه، تورموش اورتاغی و باله‌لری هم اونینگ بیلن بو ایش گه شغللنگنلر و اوشبو یول آرقه‌لی عایله نیازلرنی تامین قیله‌دی.
اونینگ کوپه‌یتیریشیچه: «ایشلاوچیلر حاضر مینی تورموش اورتاغیم و باله‌لریم دیر، هر کون ایشچی کیره‌ک بولسه، آله‌میز و دایمی ایشچی یوق. یالغیز امیدی‌میز اوشبو گل‌خانه دیر.»
شونینگدیک بیر ییل‌دن بویان گل‌خانه قورگن عبدالرحمان نینگ ایتیشیچه، مسلکی تعلیم کورمه‌گنی بیرحالده، باشقه گل‌خانه ایگه‌لری همکارلیگی بیلن گل‌خانه‌ده ایکیش گه یوز کیلتیریب و اوز ایشی‌دن رضایتی بار. «بادرنگ ایکه‌من، ایشی‌میز شو دیر. بو ییل ۱۲۰۰ متر مربع مساحتی گه گل‌خانه قوردیم که ایکی‌یوز مینگ افغانی خره‌جت کوتاردی.»
عین حالده، ایکینچیلیک ایش بیلرمانلردن قطاری نینگ ایتیشلریچه، آچیق محیط‌ده ایکیش نینگ خره‌جتی آز بولگنی بیرحالده، بیراق سونگی ییل‌لر ایکینچیلردن قطاری گل‌خانه‌لر گه یوز کیلتیرگنلر.
شونینگدیک مذکور ایش بیلرمان‌لر دهقان‌لر گه معلومات ییتکزیش و آگاهی‌لیک بیریش خصوصیده ییتکیرمه‌لر رولی‌نی اونملی و اساسی بیله‌دیلر.
بیزلرنینگ «ایکس» ترماغی ده هم تعقیب قیلینگ!
هرات ده ایکینچیلیک ایش بیلرمانلریدن بصیراحمد طبیب نینگ ایتیشیچه: «آچیق محیط‌ده ایکینچیلیک هرات نینگ ۱۲۰ کون‌لیک بوران‌لری سبب ایکینچیلیک قیین‌چیلیک‌لریدن بیری دیر که محصولات و سبزه‌وات گه زیان ییتیشتیره‌دی و شونینگدیک پلاستیک گل‌خانه‌یی ایکین قیین‌چیلیگی دیر، چونکه ایکینچیلیک ضعیف اقتصادی وضعیت‌ده قرار تاپگن و وارداتی نیاز بولگن پلاستیک خره‌جتی یوقاری دیر. مملکت ایچیده پلاستیک تولید قیله‌دیگن کارخانه ایگه‌لریدن یخشی پلاستیک تولید بولینیشی نی ایسته‌یمیز که خودکفالیککه ییتیشله‌یلیک.»
ایتیش کیره‌ک که، ایکینچیلیک ریاستیده تورت مینگ گل‌خانه نینگ ثبت بولگنی‌گه علاوه، معلوماتلر گه اساس هرات ده غیر رسمی شکلده بیرمینگ‌دن آرتیق گل‌خانه نینگ فعالیتی بار که عایله‌لر نینگ اقتصادی قیین‌چیلیگی حلی خصوصیده اساسی رول اوینه‌یدی.