چمه‌سی بیر هفته آلدین، ینگی دهلی ده افغانستان ایلچیخانهسی اوچون سابق حکومت ایلچیسی فرید مومندزوی، ایکس اجتماعی ترماغی ده بیر خبرنامه ترقه‌تیب، هندوستان ده افغانستان ایلچیخانهسی برچه فعالیت‌لرینی توخته‌تگنیدن خبر بیرگندن سونگ، هندوستان ده افغانستان نینگ ایلچیخانهسی و دیپلوماتیک نماینده‌لیک‌لری اسلام امیرلیگی گه تاپشیریلیشی گه دایر میش_میش‌لر ترقه‌لدی.
سه‌شنبه کونی، ۷-قوس، مذکور میش_میش‌لردن کیین اسلام امیرلیگی تشقی ایشلر وزیرلیگی نینگ سیاسی معینی شیرمحمد عباس استانکزی افغانستان ملی تلویزیونی بیلن اوتکزگن صحبتیده، حاضر هندوستان ده افغانستان ایکی قنسولگرلیگی نینگ تشقی ایشلر وزیرلیگی بیلن علاقه‌ده بولگنی و شونینگدیک، اوشبو وزیرلیک کیله‌جک ده افغانستان نینگ ینگی دهلی ده‌گی ایلچیخانهسی اختیارینی قولگه آلیش اوچون سعی‌وحرکت قیله‌یاتگنینی معلوم قیلگن.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، ینگی‌دهلی ده افغانستان ایلچیسی فرید مومندزوی ینگی‌لیکده، بلومبرگ نشریه‌سی بیلن اوتکزگن صحبتیده ایتیشیچه، اسلام امیرلیگی بیلن علاقه قوریش اساسیده هندوستان دولتی نینگ باسیم‌لری سبب، ایلچی‌خانه فعالیتینی توخته‌تیش گه مجبور بولگنلر و هندوستان قنچه وقت‌دن بویان، اسلام امیرلیگی بیلن تعامل قیلماقده دیر، بیراق حاضرگچه اسلام امیرلیگی و هندوستان تشقی ایشلر وزیرلیک‌لری اوشبو موضوع نی رسمی شکلده تصدیق قیلمه‌گن.
سرپرست حکومت دن بیر منبع، اسلام امیرلیگی و هندوستان نینگ علاقه قوریش سعی‌وحرکت‌لرینی تصدیق قیلسه ده، بیراق بوتوغریده کوپینچه معلومات بیرمه‌یدی.
شونده‌ی بیرحالده، سیاسی ایش بیلرمان‌لر نینگ ایشانچی گه کوره، اسلام امیرلیگی و پاکستان آره‌سیده‌گی کیسکین‌لیک باعث، هندوستان اسلام امیرلیگی بیلن مناسبتینی مستحکم قیلیش گه حرکت قیلماقده.
بو توغریده سیاسی ایش بیلرمان عبدالجبار اکبری نینگ ایتیشیچه: «هندوستان ینه بیر ینگی دیپلوماسینی آلگن، چونکه کابل و اسلام‌آباد نینگ علاقه‌سی کیسکین‌لشگن و هندوستان بو ییرده اوزی نی بویوک قیلیشنی ایسته‌یدی، هیچ بولمسه بو ییرده پاکستان برابریده توختب و پاکستان نینگ ضعیف‌راق قیلیشنی ایسته‌یدی.»
پاکستان رسمی‌لری و اسلام امیرلیگی اورته‌سیده اوتگن ایکی ییل‌ده لفظی تارتیشوولر، اسلام امیر‌لیگی‌دن اوشبو مملکت نینگ خوفسیزلیک ناراض‌لیگی گه سبب بولیب و نهایت، پاکستان دن افغانستان‌لیک قاچقین‌لر جبردن چیقریلگن.
بولرگه قوشیمچه، ایش بیلرمان‌لر افغانستان بیلن پاکستان دولتی نینگ مناسبت‌لری گه اشاره قیلیب، پاکستان گه نسبتن هندوستان نی افغانستان اوچون صادق شریک بیله‌دیلر.
بیزلرنینگ «ایکس» ترماغی ده هم تعقیب قیلینگ!
بو توغریده سیاسی ایش بیلرمان محمد‌باقر محسنی نینگ سلام‌وطندار گه ایتیشیچه: «هندوستان و پاکستان اوز آره‌لریده بولگن رقابت‌لر سبب، دایم افغانستان ده اورین‌لرینی ثابت قیلیش اوچون سعی و حرکت قیلگنلر، بیراق هندوستان پاکستان گه نسبتن افغانستان برابریده اوز تشقی سیاستی‌ده صادق‌راق دیر و پاکستان گه قرشی، هر دایم افغانستان ده دایمی ثبات و خوفسیزلیک برقرار ایتیلیشنی ایسته‌گن.»
ایش بیلرمان‌لر هندوستان بیلن افغانستان نینگ یقینلیگینی مملکت فایده‌سی گه بیلسه‌لرده؛ بیراق پاکستان بو یقین‌لیکینی اصلا کوره آلمسلیگینی اورغوله‌گنلر.
شونینگدیک، بیلرمان‌لر اسلام امیرلیگی آرقه‌لی تعریف بولمه‌گن تشقی سیاست یوقلیگینی هم، بو کبی دیپلوماتیک یوتوق‌لر برابریده باشقه بیر قیین‌چیلیک عنوان قیلیب و تاکید قیلیشلریچه، بو حکومت منطقه‌وی اویین‌لر نی افغانستان فایده‌سی گه یونلتیریش اوچون، بیللی و مملکت ملی منفعتی اساسیده بیر تشقی سیاست گه فکر قیلیشی کیره‌ک.
سیاسی مسئله‌لر بیلرمانی عزیز معارج نینگ ایتیشیچه: «مملکت‌لر گه قرشی علاقه‌لر بوییچه بولگن فرصت‌لردن ایش آلینیشی کیره‌ک، بیراق مملکت‌لر افغانستان بیلن علاقه قوریش اوچون قیزیقیش کورستگن تقدیرده، یا که مملکت‌لرنی افغانستان‌گه بولگن ترانزیت، سوداگرلیک و خوفسیزلیک بولیمی‌لریگه نیازمندلیک‌لری یخشی‌لب باشقیریلیشی درکار و بو ایسه یالغیز هر تامانلمه تشقی بیر سیاست چیزیلیب و عملگه آشیریلیشی آرقه‌لی ممکن دیر.»
ایتیش کیره‌ک، افغانستان حاضر ایسه ترانزیت و سوداگرلیک ساحه‌سیده پاکستان گه نیازمند دیر و بو مملکت افغانستان سوداگرلیک توارلری نینگ اساسی صادرات یولی حساب‌لنه‌دی.
