هندوستان پایتختی ینگی دهلی‌‌ده افغانستان اسلامی جمهورلیک ایلچی‌خانه‌سی، اوشبو ایلچی‌خانه نینگ دایمی شکلده تعطیل بولگنی نی اعلام قیلگن.
هندوستان ده افغانستان نینگ ایلچی‌خانه‌سی بوگون (جمعه، ۳_قوس)، «ایکس» صحیفه‌سیده مطبوعاتی بیر بیانیه ترقه‌تیش بیلن، مذکور مملکت‌ده فعالیتی نی دایمی شکلده توخته‌تیب، اونینگ هندوستان دولتی گه تاپشیریشی نی اعلام قیلگن.
بیزلرنینگ فیسبوک صحیفه‌میزگه باش اورینگ!
اوشبو ایلچی‌خانه نینگ بیانیه‌سیده کیلیشیچه، هندوستان دولتی آرقه‌لی دایمی باسیم‌لر و دیپلماتیک حمایت یوقلیگی سبب، بوتون فعالیتی نی دایمی شکلده توخته‌تگن.
هندوستان ده افغانستان ایلچی‌خانه‌سی گه کوره، بو قرار اوتگن کون‌دن لازم‌الاجرا بولیب و افغانستان ده رسمیت گه تانیلگن بیر حکومت یوقلیگی سبب بیرینچی اکتبر‌دن فعالیتی نی توخته‌تیش اساسیده‌گی ایلچی‌خانه نینگ سابق اقدامی‌دن کیین، آلینگن.
مذکور ایلچی‌خانه بوندن آلدین، اوشبو مملکت‌ده افغانستان یشاوچیلری گه عاجل قنسولی خذمت‌لر ارائه‌سی نینگ دوام بیریشینی ایتگن ایدی.
افغانستان ایلچی‌خانه نینگ کوپه‌یتیریشیچه، بوندن آلدین فعالیتی دوامی خصوصیده‌گی قرار، هندوستان مملکتی بو ایلچی‌خانه فعالیتی اوچون مذکور دولت پزیتسیه/ موضعی نینگ عادی شکل گه اوزگریشینی کوتیب توریش بیلن آلینگن ایکن؛ بیراق بو ایلچی‌خانه گه کوره، اوندن سکیز هفته کیین، افغانستان ایلچی‌خانه‌سی «ایلچی‌خانه کنترولی تاپشیریلشی اوچون اسلام امیرلیگی و هندوستان دولتی آرقه‌لی باسیم‌لر» سبب، قیین بیر تنلش بیلن روپه‌ره بولگن.
افغانستان ایلچی‌خانه‌سی اوز بیانیه‌سیده اورغولشیچه، میزبان مملکت آرقه‌لی حمایت یوقلیگی، افغانستان یشاوچیلری منفعتی گه خذمت‌لر بولیمی‌ده کوتیشلری گه ییتیشه آلمه‌سلیک و ایشلاوچی کم‌لیگی سبب، فعالیتی نی توخته‌تگن.
حاضرگچه هندوستان تشقی ایشلر وزیرلیگی، بو توغریده هیچ بیر نرسه دیمه‌گن.
شونینگدیک اوشبو ایلچی‌خانه، اوز بیانیه‌سیده هندوستان ده افغانستان جمهورلیگی‌دن هیچ بیر دیپلمات نینگ قالمه‌گنی و اوچینچی مملکت گه ییتیشگنلری نی ایتگن دیر. بو بیانیه‌ده کیلیشیچه، حاضر ایلچی‌خانه‌ده‌گی کیشی‌لر، اسلام امیرلیگی گه تیگیشلی دیپلماتلر دیر.
بیزلرنینگ «ایکس» ترماغی ده هم تعقیب قیلینگ!
بوندن آلدین، ینگی دهلی ده افغانستان ایلچی‌خانه‌سی، هندوستان رسمی‌لری نینگ رخصت بیریشی بیلن افغانستان سابق حکومتی تامانیدن تعیین‌لنگن ایشلاوچیلر آرقه‌لب اداره بوله‌ر ایدی.
اوتگن ایکی ییل‌ده، هندوستان دولتی اسلام امیرلیگی سرپرست حکومتی نی رسمیت گه تانیمه‌ی و ایکی ییل‌دن آلدین، افغانستان دن امریکا نینگ چیقیشی‌دن اول اوز ایشلاوچیلری نی کابل دن چیقردی.
