قطر قیزیل آی جمعیتی، اوشبو نهاد افغانستان نینگ اوزاق منطقه‌لریده ۱۰ ساغلیق مرکز قوریش گه قرار قیلگنیدن خبر بیرگن.
قطر قیزیل آی جمعیتی ۶-جوزا، یک‌شنبه کیچه بیر بیانیه ترقه‌تیب اوشبو نهاد نینگ خلق‌ارا یاردم و ترقیات بولیمی مسئولی محمدصلاح ابراهیم، افغانستان ده آنه‌لر و باله‌لر اوچون ساغلیق خذمت‌لرنی آشیریش مقصدیده بو ساغلیق مرکزلرنی قوریش گه قرار قیلگنینی معلوم قیلگن.
بیزلرنینگ فیسبوک صحیفه‌میزگه باش اورینگ!
اونگه کوره، اوشبو ساغلیق مرکزلرهر ییلی ۲۵۰ مینگ آنه و باله گه طبی خذمت کورسه‌تیشی ممکن.
قطر قیزیل آی جمعیتی مسئول‌لری اوشبو لایحه‌لر نینگ خره‌جتی حقیده ایضاح کېریتمه‌گنلر.
محمدصلاح ابراهیم افغانستان گه سفری دایره‌سیده، مملکت ده طبیعی آفت‌لر طفیلی جبرلنگن عایله‌لر گه یاردم کورسه‌تیش اوچون افغان قیزیل آی جمعیتی بیلن شرطنامه امضاله‌گن.
بیزلرنینگ «ایکس» ترماغی ده هم تعقیب قیلینگ!
بو لایحه دن فراه، فاریاب و هلمند ولایت‌لریده ۸۰۰ عایله فایده‌لنیشی کوتیله‌دی.
عین‌حالده، بوندن آلدین افغان قیزیل آی جمعیتی «توغمه یوره‌ک کسل‌لیگگه چلینگن» ۱۶۹ باله نینگ دوالنیشی گه زمینه یره‌تیش اوچون قطر قیزیل آی جمعیتی بیلن شرطنامه امضاله‌گن اېدی.
