کابل یشاوچیلریدن قطاری، رمضان آیی نینگ باشلنیشی بیلن بازار‌لرده سبزه‌وات اینیقسه پیاز بهاسی نینگ یوقاری کیتیشی‌دن شکایت قیلگنلر.
اولر نینگ سلام‌وطندار گه ایتیش‌لریچه، بیر سیر پیاز ۶۰۰ افغانی ساتیله‌دی که کمبغل‌لیک سبب، یشاوچیلر نینگ کوچی ییتیشمه‌یدی.
کابل شهری نینگ مارکیت تورت یولی‌ده جایلشگن سبزه‌وات بازاری گه پیاز آلیش اوچون بارگن ابراهیم نینگ ایتیشیچه: «مملکتی‌میز‌ده‌گی پیاز هند گه و پاکستان گه کیته‌دی و قیته بو ییرگه کیلیب ایکی برابر ساتیله‌دی. مملکتی‌میز‌ده پیاز نینگ سقلنیشی اوچون موز‌خانه نینگ موجود بولیشی کیره‌ک. چونکه ذخیره بولمسه بو رقم بیر وضعیت بوله‌دی. هییت، ینگی ییل و رمضان‌ده اهالی گه قیامت بوله‌دی. باشقه مملکت‌لرده رمضان ده سبزه‌وات ارزان بوله‌دی و آسایشته‌لیک کیله‌دی، بیراق افغانستان ده اهالی نی آچلیک‌دن اولینگ دیه‌دیلر.»
بیزلرنینگ فیسبوک صحیفه‌میزگه باش اورینگ!
کابل شهری نینگ مارکیت تورت یولی‌ده جایلشگن سبزه‌وات بازاریده‌گی سوداگرلردن قطاری نینگ ایتیش‌لریچه، سونگی بیر هفته‌ده مملکت‌ده پیاز یوقلیگی و ایسته‌ک کوپه‌یگنی، اوتمیش گه قره‌گنده پیاز نرخی نینگ یوقاری کیتیشی گه سبب بولگن.
مذکور سوداگرلردن صبرالله نینگ ایتیشیچه: «بیر سیز قیزیل پیاز نرخی اوتگن کون ۵۰۰ ایدی و بوگون ایسه ۴۰۰ افغانی بولگن. شونینگدیک آق پیاز ۶۰۰ افغانی ایدی و بوگون ۵۰۰ افغانی بولگن. یوز افغانی تغییر قیلگن. نرخ‌لر بیللی ایمس و انه شوو سبب، پیاز نرخی تغییر قیله‌دی.»
عین حالده، هلمند و بدخشان یشاوچیلریدن قطاری، رمضان آیی نینگ باشلنگنی بیلن ییگولیک ماده و سبزه‌وات نرخی کوپه‌یگنی خصوصیده شکایت قیلگن.
هلمند یشاوچیسی محمد زمان نینگ سلام‌وطندار گه ایتیشیچه: «ییگولیک ماده‌لردن برچه‌سی قیمت بولگن، جمله‌دن اون، یاغ، برنج و شونینگدیک حتا خرما نرخی هم یوقاری کیتگن. رمضان آیی‌ده قیمتلر نینگ کمه‌یشی اورنیده دوکان‌دارلر قیمتلر یوقاری کیتکزگنلر که نادار اهالی ییگولیک ماده نینگ آلیش گه کوچی ییتیشمه‌یدی.»
بیزلرنینگ توییترده هم تعقیب قیلینگ!
شونینگدیک بدخشان یشاوچیسی حبیب‌الله نینگ ایتیشیچه: «رمضان آیی نینگ ییتیب کیلیشی بیلن، ییگولیک ماده‌لر بهاسی فیض‌آباد شهری‌ده یوقاری کیتگن، حتا بیر سیر پیاز نرخی ۸۰۰ افغانی گه ییتیشگن و شونینگدیک رمضان آیی‌ده اهالی نینگ احتیاجی بولگن باشقه نرسه‌لر نرخی هم یوقاری کیتگن. اسلام امیر‌لیگی مسئوللری‌دن بو توغریده توجه قیلیب و نرخ‌نامه تعیین قیلیش‌لری نی ایسته‌یمیز.»
شونده‌ی بیرحالده، مالیه وزیرلیگی بوگون رمضان آیی مناسبتی بیلن، کچالو، پمیدار، بامیه، آلمه، خرما و تربوز شامل آلتی قلم ییگولیک ماده‌لر بهاسی نینگ ۱۷دن ۸۰ فایز کمه‌یگنی نی اعلام قیلگن.
