هرات محلی و ساغلیک مسوول‌لری نینگ ایتیش‌لریچه، هییت کونلریده ترافیکی حادثه‌لر نتیجه‌سیده ۳ کیشی هلاک و باشقه ۲۱۴ کیشی یره‌لنگن.
هرات حوزه‌یی کسلخانه‌سی باش طبیبی عارف جلالی نینگ سلام‌وطندارگه ایتیشیچه، یره‌لنگن‌لردن ۹۵% نی یاش‌لر تشکیل بیره‌دی و اولر موترسایکل‌نی تیز هیده‌گنی سبب، حادثه قیلیب و یره‌لنگنلر.
سلام‌وطندار اوزبیک بولیمی‌نی فیسبوک‌ده تعقیب قیلینگ
جناب جلالی‌گه کوره، هییت کونلریده ترافیکی حادثه‌لر نتیجه‌سیده بیر کیشی هلاک و باشقه ۲۱۴ کیشی یره‌لنگن.
عین‌حالده، هرات حاکمی سوزلاوچیسی فرهاد جیلانی نینگ ایتیشیچه، هییت بیرینچی کونی‌ده شیندند تومنیدن هرات شهری تامان کیله‌دیگن بیر موتر، اوشبو تومن نینگ کیریش ایشیگی ده کوپریک تخریب بولگنی سبب، ییقلگن و نتیجه‌ده ۲ کیشی هلاک ایتیلگن.
هرات حاکمی سوزلاوچیسی نینگ کوپه‌یتیریشیچه، مذکور کوپریک ینگی‌لیکده طالبان تامانیدن تخریب ایتیلگن ایکن.