هلمند ولایتی اوشه ولایت‌لر قطاریدن دیرکه اسلامی امارت حاکم بولگندن کیین اوشبو ولایت‌ده اقتصادی قیینچیلیک، ایش‌سیزلیک و قشاقلیک کوپه‌یگن که نتیجه‌ده مذکور ولایت یشاوچیلریدن قطاری اقتصادی قیینچیلیک سبب اوزلرینی اولدیریش اوچون حرکت قیلگنلر.
هلمند ساغلیق‌نی سقلش ریاستی نینگ رئیسی سیداحمد سعید، روانی کسل‌لیکلر سبب اوزنی اولدیریش واقعه‌لر خصوصیده انیق ارقام ارائه قیلمه‌یدی، بیراق اونینگ ایتیشیچه، هر ۲ لی ۳ آیده، اوشبو ولایت مرکزی و تومن‌لریده اوزنی اولدیریش واقعه‌لر یوز بیره‌دی.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه، اوشبو ولایت‌ده تورلی موسسه‌لر ساغلیک بولیم‌لرده فعالیت قیله‌دیلر، بیراق اونینگ تأیید قیلیشیچه اوشبو ولایت کسل‌خانه‌سی نینگ عقلی وعصبی بولیم‌ده یالیغیز بیر داکتر بار، بو ییترلی ایمس.
جناب سعید نینگ کوپه‌یتیریشیچه، ساغلیق‌نی سقلش وزیرلیگی خلق‌ارا ساغیق تشکیلاتی اویغون‌لیگی بیلن بیرقطار داکترلرگه مملکت‌دن تشقریده تحصیلی آلیشلری اوچون زمینه یره‌ته‌دی و هلمند ولایتی‌دن هم بیرقطار کیشی‌لر مذکور برنامه‌گه تانیشتیریلگن.
عین‌حالده، اوشبو ولایت‌ده فعالیت قیله‌یاتگن روانی متخصص داکتر احمد ولی‌زاده نینگ ایتیشیچه، کونیده روانی و افسرده‌لیک کسل‌لیگیگه چلینگن کیشی‌لردن ۴۰ الی ۵۰ کیشی اونگه مراجعت قیله‌دی.
بیزلرنینگ توییترده هم تعقیب قیلینگ!
جناب ولی‌زاده نینگ کوپه‌یتیریشیچه، روانی کسل‌لیکده چلینگن کیشی‌لر حل یول تاپه‌آلمه‌ی اوزلرینی اولدیریش اوچون حرکت قیله‌دیلر.
اونینگ کوپه‌یتیریشیچه، هلمند ولایتی روانی کسل‌لیککه چلینگلرسانی یوقاری بولگن ولایت‌لر قطاریدن دیر شونیکدیک او قشاقلیک، ایش‌سیرلیک و اقتصادی قیینچلیکلرنی اوشبو کسل‌لیککه عامل عنوان قیله‌دی.
ایتیش کیره‌ک دیر کیم اوشبو ولایت‌ده سونگی کونلرده ۴ کیشی روانی کسل‌لیک سبب اوز حیات‌لریگه نقطه قویگنلر.
