اسلامی حزب رهبری گلبدین حکمتیارنینگ ایتیشیچه، جمهورلیک ریاستی تینچلیک سوزلشوولرنی سبوتاژ قیله‌دی و کوپ‌قطار قورال و اوق بندرلر آرقه‌لی افغانستان‌گه کیلتیریلگن.
بوگون “یکشنبه” جناب حکمتیار نینگ شوروی کوچلرینی افغانستاندن چیقگنی مناسبتی اوچون کابلده یولگه قوییلگن مراسمده صحبت اوتکزیب ایتیشیچه، مذکور قورال و اوق‌لر ییگولیک ماده‌لر چیککه‌سیده جایلشتیریلیب بندرلر آرقه‌لی مملکت‌گه کیلتیریله‌دی و طالبان گروهی بیلن اوریشه‌دیگنلر اختیاریگه قرار بیریله‌دی.
اونینگ ایتیشیچه، آمریکا مملکتده اوروش‌نی یکونلنتیریش اوچون سعی و حرکت قیلماقده، لیکن جمهورلیک ریاستی «ملیشه قوریش» و قورال توزیع قیلیش بیلن اوروش‌گه تیارگرلیک آله‌دی. اسلامی حزب رهبری نینگ کوپه‌یتیریشیچه، سوزلشوولرگه قرشی یره‌تیلگن قیینچلیک‌لر مسوولی آمریکا و حکومت دیر.
بوتوغریده جمهورلیک ریاستی فکرینی آلیش اوچون سعی و حرکت قیلدیک، لیکن موفق بولمهدیک.
اوشبو ییغینده جناب حکمتیار نینگ ایتیشیچه، آمریکا حربی‌لری نینگ افغانستاندن چیقاریلیشینی کیین‌گه قالیشی خصوصیده آمریکا جمهور رییسی جو بایدن نینگ سونگی بیانات‌لریگه قره‌گنده، آمریکا دوحه ده امضالنگن شرطنامه‌نی ایاق آستی قیلیشی‌نی ایسته‌یدی. اونینگ ایتیشیچه، جناب بایدن نینگ بو ایشی اخلاقی و عقلانی لحاظ دن ناتوغری دیر.
اسلامی حزب رهبری نینگ کوپه‌یتیریشیچه، آمریکا قانلی و هزینه‌لی اوروشی‌نی افغانستان‌گه یوتقیزگن و اوشبو مملکتده حضور تاپیشی نینگ دوامی ضرری‌گه یکونلنه‌دی.