ایران جمهور باشلیغی نینگ اورین باسری و اطراف_محیط نی اسره‌ش تشکیلات باشلیغی علی سلاجقه، هلمند دریاسی سووی تقسیماتی باره‌سیده اسلام امیرلیگی و اوشبو مملکت رسمی‌لری نینگ ملاقات قیلگنیدن خبر بیرگن.
ایرنا آژانسی نینگ معلوماتی اساسیده، علی سلاجقه دوشنبه کونی، ۱ جوزا، ایران نینگ البرز ولایتیده اوتکزیلگن ییغیلیش ده، هلمند حق‌آبه‌سی جنجلی باره‌سیده ایتیشیچه، ایران جمهور باشلیغی شخصاً اوزی اوشبو موضوع گه اره‌لشیب و اوتگن کونی اسلام امیرلیگی رسمی‌لری بیلن بوتوغریده بحث ایتیلگن.
بیزلرنینگ فیسبوک صحیفه‌میزگه باش اورینگ!
اوشبو مسئله سیاسی نقطه‌ی نظردن حل ایتیلیشی گه امید بیلدیرگن، علی سلاجقه.
ایران رسمی‌لری نینگ ایشانچی گه کوره، ۱۳۵۱_ییل بیتیمی اساسیده، اسلام امیرلیگی رسمی‌لری هلمند دریاسیدن ایران نینگ حق‌آبه‌سینی تولمه‌گن.
سونگی کون‌لرده ایران جمهور باشلیغی ابراهیم رئیسی، اسلام امیرلیگی گه مذکور مملکت نینگ حق‌آبه‌سی توله‌نیشی باره‌سیده هشدار بیریب و کجکی توغانی دن ایران نینگ تخنیکی تیمی کوریشینی سوره‌گن.
اسلام امیرلیگی نیچه مراتبه، ایران رسمی‌لری نینگ ایسته‌گی و تنقیدلری گه جواب، هلمند دریاسیده ییترلیچه سوو یوق‌لیگینی ایتگن.
بیزلرنینگ توییترده هم تعقیب قیلینگ!
اوتگن کون کابل ده اوتکزیلگن ییغیلیش ده، مملکت تشقی ایشلر وزیرلیگی نینگ سرپرستی امیرخان متقی، اسلام امیرلیگی ۱۳۵۱_ییل بیتیمی گه متعهد دیر؛ بیراق افغانستان و منطقه ده‌گی قورغاقچیلیکلر، نظرگه آلینیشی اوستیده تأکید ایتگن.