چیگره بیلمس داکترلر تشکیلاتی جمعه کونی ۲۳-جدی، بیر اعلامیه ترقه‌تیب ایتیشیچه، اوشبو تشکیلات نینگ افغانستان ده توسیق‌لیک بولمسه‌دن اوز ایشی گه دوام بیریشی خصوصیده هیچ رسمی بیر تضمین موجود ایمس. مذکور تشکیلات نینگ کوپه‌یتیریشیچه، اوشبو نهاد بیلن ایشله‌یدیگن عیال‌لردن کوپ قطاری ناامید بولیب و کیله‌جکلری خصوصیده قورقه‌دیلر.
چیگره بیلمس داکترلر تشکیلاتی نینگ اعلامیه‌سیده کیلگن که، قریب ۹۰۰ داکتر، پرستار و باشقه بیر قطار ایشلاوچی شامل، اوشبو نهاد نینگ طبیات خادم‌لریدن ۵۱ فایز‌دن آرتیغی نی عیاللر تشکیل بیره‌دی.
بیزلرنینگ توییترده هم تعقیب قیلینگ!
مذکور تشکیلات نینگ اورغولشیچه، افغانستان ده خارجی و ایچکی نادولتی تشکیلات‌لرده عیاللر ایشی توخته‌تیلیشی اساسیده‌گی اسلام امیر‌لیگی نینگ قراری بیلن، اوشبو ممکت‌ده کسل عیاللر و ساغلیق‌نی سقلش بولیمی‌ده‌گی عیال ایشلاوچیلر نینگ کیله‌جگی خوف بیلن دوچ کیلگن.
چیگره بیلمس داکتلر تشکیلاتی‌ده‌گی ایشلاوچیلردن بیری فرزانه نینگ ایتیشیچه: «کسل‌خانه‌میزده کوپینچه عیال کسل‌لریمیز بار. کسل بولگن‌لری یا-ده توغروق پیتده، بیر ییر گه باریشلری کیره‌ک. اسلام امیر‌لیگی عیال ایشلاوچیلر نی ایش قیلیش اوچون رخصت بیرمه‌گنی صورت‌ده، هیچ کیم اولردن مراقبت قیله آلمه‌یدی.»
باشقه بیر تاماندن، چیگره بیلمس داکتر تشکیلاتی نینگ ایتیش‌لریچه، بیر عیال نینگ ساغلیگی بیر عایله نینگ سلامت‌لیگی گه تاثیر قیله‌دی و توغروق‌دن آلدین و کیین‌گی خذمت‌لر گه قول تاپیش خصوصیده‌گی، باله‌لر حیاتی هم خطر بیلن روپه‌ره بولیشی ممکن.
شونینگدیک اوشبو تشکیلات بوندن آلدین، افغانستان ده خارجی و ایچکی نادولتی نهاد‌لرده عیاللر ایشی توخته‌تیلیشی نی بیر اعلامیه آرقه‌لی قاره‌لگن. مذکور تشکیلات اسلام امیر‌لیگی تامانیدن افغان عیاللر گه وضع بولگن چیکلاو‌لر نی، «اجتماعی حیات‌دن عیاللر نی حذف» قیلیش دیگن.
بیزلرنینگ فیسبوک صحیفه‌میزگه باش اورینگ!
عین حالده، اقتصاد وزیرلیگی قویاش ییل نینگ باش آیی‌ده بیر مکتوب ترقه‌تیش بیلن افغانستان ده خارجی و ایچکی نادولتی موسسه‌لرده عیاللر ایشی نی کیین‌گی اکر‌گچه توخته‌تگن ایدی. اسلام امیر‌لیگی نینگ اوشبو قراری کوپینچه ملی و خلق‌ار عکس‌العمل‌لر بیلن روپه‌ره بولگن.
ایتیش کیره‌ک که، اسلام امیر‌لیگی تامانیدن نادولتی موسسه‌لرده عیاللر ایشی توخته‌تیشیدن کیین، افغانستان ده نیچه خلق‌ارا تشکیلات فعالیتی نی توخته‌تگن دیر.
