بیرلشگن ملت‌لر تشکیلاتی نینگ باش کاتبی آنتونیو گوترش، اوتگن کون کابل غربی قسمی «کاج تعلیمی مرکزی» ده اویوشتیریلگن خودکش هجومنی «دهشتلی» عنوان قیلیب و اسلامی امارت دن، تعلیم اوچون افغانستان خلقی نینگ خوفسیزلیگینی تأمینلشینی سوره‌گن.
جناب گوترش اوتگن کیچه (جمعه، ۸ میزان) اوز تویتری ده یازیشیچه، کابل شهری ده تعلیمی بیر مرکزده اویوشتیریلگن خودکش هجوم ده اونلب قیز و ییگیت باله هلاک بولگنلر.
بیزلرنینگ فیسبوک صحیفه‌میزگه باش اورینگ!
گوترش نینگ کوپه‌یتیریشیچه: «اسلامی امارت مقام‌لری، قوم و جنسیت گه قره‌مسدن تعلیم اوچون افغانستان خلقی نینگ خوفسیزلیگینی تأمینلشی کیره‌ک.»
اوتگن کون ایرته‌لب کابل غربی قسمی کاج تعلیمی مرکزی نشانگه آلیندی. مردمی آگاه منبع‌لر گه کوره، اوشبو هجوم ده چمه‌سی ۱۰۰ کیشی هلاک بولیب و یره‌لنگن. مذکور حادثه قربانی‌لری کوپراق اوقووچی قیزلر دییلگن.
بیزلرنینگ توییترده هم تعقیب قیلینگ!
کاج تعلیمی مرکزی ده اویوشتیریلگن خودکش هجوم، ایچکی و خلق‌ارا ایریم مناسبت‌لر گه روپه‌ره بولگن.
اوشبو هجوم مسئولیتینی حاضرگچه هیچ کیم یا گروه اوز زمه‌سیگه آلمه‌گن.
