غور قیشلاقلرنی رواجلنتیریش و قیته قوریش ریاستی‌نینگ ییتکرمه‌لر اداره‌سی مسئولی ذبیح‌الله غوثی‌زاده گه کوره، مذکور ولایت‌ده سوو ییتکزیش بیر ترماقنینگ قوریلیش ایشی باشلنگن.
اونینگ ایتیشیچه، اوشبو سوو ییتکزیش ترماق غور ولایتی چهارسده تومنی‌نینگ «نی‌پتن» قیشلاغیده قوریله‌دی.
بیزلرنینگ فیسبوک صحیفه‌میزگه باش اورینگ!
جناب غوثی‌زاده‌نینگ کوپه‌یتیریشیچه، بیرلشگن ملتلر تشکیلاتی‌‌نینگ باله‌لرنی قوللب-قوتلاوچی صندیغی افغانستان بولیمی آرقه‌لی قوریله‌دیگن مذکور سوو ییتکزیش ترماق، بیر میلیون افغانی خره‌جت کوتاره‌دی.
بو بیلن بیرگه، غور مرکزی فیروزکوه شهری‌ده جایلشگن مهاجرین شهرچه‌سیده هم سوو ییتکزیش بیر ترماقنینگ قیته قوریلیش ایشی باشلنگن.
غور قیشلاقلرنی رواجلنتیریش و قیته قوریش ریاستی‌نینگ ییتکرمه‌لر اداره‌سی مسئولی، اوشبو سوو ییتکزیش ترماقنینگ یونیسف آرقه‌لی آلتی میلیون ۶۸۴ مینگ‌دن آرتیق افغانی عوضی‌گه قیته قوریلیشی‌نی بیان قیلگن.
بیزلرنینگ «ایکس» ترماغی ده هم تعقیب قیلینگ!
مذکور سوو ییتکزیش ایکی ترماقنینگ قوریلیب و قیته قوریلیشی بیلن، ایکی مینگ‌دن آرتیق عایله‌نینگ ایچیم‌لیک سوو بیلن تامین‌لنیشی ممکن.
یونیسف سونگی ییل‌لرده افغانستان یشاوچیلری‌نینگ ایچیم‌لیک سوودن فایده‌لنیشی اوچون تورلی ولایت‌لرده سوو ییتکزیش اونلب ترماق قورگن.
