اسلامی امارت ییریک اعضاسی انس حقانی، بوگون مملکت‌ده قشاق‌لیک، معارف و عالی اوقوو وضعیتی نی تیکشیریش اوچون اوتکزیلگن ییغینده ایتیشیچه، باشقه مورد‌لر یانیده، افغانستان ده قشاق‌لیک نینگ اصلی سببی، سوادسیزلیک دیر.
انس حقانی مملکت‌ده قشاق‌لیک عامل‌لری نی حکومت‌لر نینگ کوچ‌سیزلیگی، اوروش، سوادسیزلیک، ایش‌سیزلیک، اقلیمی اوزگریشلر، نفوس نینگ کوپه‌یشی، خصوصی سکتورلر نینگ رشد قیلمه‌گنی و طبیعی ذخیره‌لر و منبع‌لردن فایده‌لنمه‌یشی دیب و اورغولشیچه، اقتصادی وضعیت نینگ یخشی‌لنگنیدن کیین، شونینگدیک سوادسیزلک خصوصیده‌گی قیین‌چیلیکلر نینگ حل بولیشی ممکن.
بیزلرنینگ فیسبوک صحیفه‌میزگه باش اورینگ!
سرپرست حکومت نینگ قدرت گه ایریشگنیدن کیین، ۶-صنف‌دن یوقاری قیز اوقووچیلر نینگ مکتب گه باریشلری اوچون رخصت بیریلمه‌گنی بیرحالده، اوشبو اسلامی امارت نینگ ییریک عضوی افغانستان ده قشاق‌لیک سببی نی، سوادسیزلیک عنوان قیله‌دی.
باشقه بیر تامان‌دن، اوشبو ییغینده معارف وزیرلیگی معینی سعیداحمد شهیدخیل نینگ ایتیشیچه، تعلیم گه قول تاپیش، بوتون افغانستان یشاوچیلری نینگ حقی دیر و عیال‌لر، ایرککلر، باله‌لر و کیکسه‌لر برابر بیر شکلده تعلیم حقی‌‌دن فایده‌لنیش اوچون اجازه‌لری بار.
اونینگ کوپه‌یتیریشیچه: «علم و معرفت گه درست بیر شکلده رجوع بولیب و برچه کیشی علم و معرفت گه مشغول بولگنلری صورت‌ده، بوتون دنیا‌ده، تینچ‌لیک، ترقیات، امنیت و یخشی حیات اورته گه کیلیشی ممکن.»
بیزلرنینگ توییترده هم تعقیب قیلینگ!
شونده‌ی بیرحالده، کمیده ۱۰ آیدن بیری ۶-صنف‌دن یوقاری قیز اوقووچیلر مکتب گه باره‌آلمه‌یدیلر و اوشبو اقدام ایسه کوپینچه ایچکی و تشقی انتقاد‌لر بیلن روپه‌ره بولگن دیر.
انتقادی عکس‌العمل‌لر یانیده، اسلامی امارت قیز مکتب‌لری نینگ آچیلیشی اوچون ۶ کیشی‌لیک بیر کمیته ایجاد بولیشیدن خبر بیرگن، بیراق حاضرگچه اوشبو کمیته ایشی و فیصله‌سی نینگ نتیجه‌سیدن هیچ بیر خبر یوق.
