غزنی اخرگی ییل‌لرده برق، سرک و امنیت بوییچه نسبتاً محروم ولایت لردن سنله‌دی. اوزبیکستان‌دن وارد ایتیله‌دیگن برق تخمیناً تورت ییل اول غزنی ولایتی‌گه اوله‌نیب و غزنی شهری نینگ پلانلنگن منطقه و بیرقطار ساحه‌لری برق بیلن تامینلندی. اوشبو برق کابل-غزنی قتناو یولیده‌گی جنگ‌لرده پایه‌لری زیان کوریشی باعث پرچاوی بولیب واوله‌نیشی کون‌لر حتی هفته‌لر دوام تاپر ایدی.
غزنی شهری قیشلاق لری نینگ یشاوچیلری نیچه آی اول دولتی برق‌دن محروم ایدیلر، هربیر کیلووات برق عوضی‌گه ۶۰ افغانی خصوصی کمپنیه‌لرگه توللشکه مجبور ایدیلر. بیراق اسلامی امارت حاکمیت‌نی قولگه آلیشی بیلن غزنی یشاوچیلری نینگ تشویش‌لری‌گه چیک قوییلگن و حاضر اوشبو ولایت نینگ اکثر یشاوچیلری دولتی برق اوله‌نیشی بیلن قیشلاق و تورر اوی‌لرگه علاقه‌لری کوپه‌لگن.
بیزلرنینگ فیسبوک صحیفه‌میزگه باش اورینگ!
غزنی ولایتی برشنا کمپنیه‌سی باشلیغی عزت الله وحدت نینگ ایتیشیچه، مذکور ولایت نینگ قیشلاق ده‌گی یشاوچیلری برق اوسکونه‌لرینی ساتیب آلیش مقصدیده پول‌لرینی اجتماعی کینگش‌لر آرقه‌لی ییغه‌دیلر.
جناب وحدت نینگ ایتیشیچه: «اگر ایتسم بو ایش‌ده ۱۰۰ فایز اهالی همکارلیک قیلگن. پول ییغیب برق ایسته‌یدیگن مردم دیر، تخنیکی/فنی تیم‌لریمیز ایش‌لری‌گه دوام بیریب و برچه اوسکونه‌لرنی قوندیره‌دیلر. اوزگریش‌لردن کیین برق لینی هم کیسیلمه‌گن‌لیگیدن خرسند میز یعنی برقیمیز هیچ کیسیلمه‌یدی. یادلرینگیزگه بولسه مردم نینگ سابق هفته‌لر برقی یوق ایدی، بیراق حاضر ۲۴ ساعت برقیمیز بار خرسند میز.»
جناب وحدت‌گه کوره، سونگی اوزگریش‌لردن کیین ۶۳۶ اوی دولتی برق بیلن تامینلنگن و غزنی نینگ باشقه قیشلاق لریده‌گی ایکی مینگ ۳۶۰ تورر اوی‌نی برق بیلن تامینلش مقصد سعی-حرکت بولماقده و اوشبو قیشلاق‌لرنینگ اکثریتیده اهالی تامانیدن برق اوسکونه و امکانیت‌لری ساتیب آلینگن.
برق بیلن تامینلنه‌دیگن قیشلاق‌لر؛ «شمس قیشلاغی» ده ۱۶۰ اوی، «مغولان» قیشلاغیده ۴۰۰ اوی، «قلعه اکرم» قیشلاغیده ۲۰۰ اوی، «نوآباد» ده ۷۰۰ اوی، «غرب نوآباد» قیشلاغیده ۴۰۰ اوی، «اربابا و نو آباد اربابا» قیشلاغیده ۴۰۰ اوی و «خدایداد» منطقه سیده ۱۰۰ اوی‌دن عبارت. اوشبو قیشلاق لرنینگ یشاوچیلری برق اوسکونه‌لرینی ساتیب آلیش اوچون هر بیر اوی دن ۱۰مینگ‌دن ۱۲مینگ افغانی ییققن‌لر.
مذکور منطقه یشاوچیلری نینگ ایتیشلریچه، قیشلاق‌لری برق بیلن تامینلنیشیدن خرسند و دولت ایشلرینی خوش قرشی‌له‌یدیلر. غزنی یشاوچیسی جمعه‌خان نینگ ایتیشیچه: « سابق پس‌حصار قلعه‌سیده شخصی برقیمیز بار ایدی که بیر کیلوواتی ۶۰ افغانی ایدی، نیچه کون آلدین دولتی برق کیلدی که کیلوواتی ۶ افغانی دیر. قیشلاغیمیزگه برق کیلتیریش اوچون هر بیر اوی‌دن قریب ۱۰مینگ افغانی توپله‌دیک. جوده هم خرسندمیز.»
غزنی‌نینگ باشقه یشاوچیسی نقیب‌الله گه کوره: «قیشلاغیمیزگه برق کیلگنیدن تخمیناً بیر آی بوله‌دی، هر بیر اوی‌گه پایه قوندیریش اوچون ۳مینگ افغانی صرفلنگن. سابق حکومتده هم نیچه مراتبه درخواست بیرگن ایدیک؛ لیکن حاضرگی حکومتده ایشیمیز عملگه آشیریلدی.»
بیزلرنینگ توییترده هم تعقیب قیلینگ!
غزنی قیشلاق‌لری نینگ ترقیاتی کینگش عضوی نجیب‌الله گه کوره، اهالی اقتصادی قیینچیلیکلرگه دوچ بولسه‌ده، بیراق دولتی برق خصوصی شرکت‌لرنینگ برقی‌گه قره‌گنده ارزان و فقرالر برق اوسکونه‌لرینی ساتیب آلیش اوچون برشنا کمپنیه‌سی بیلن همکارلیک قیله‌دی.
غزنی ولایتی برشناکمپنیه‌سی متصدی‌لری نینگ ایتیشلریچه، اوشبو اداره مینگلب عایله‌نی برق بیلن تامینلشکه قادر، لیکن برق اوسکونه‌لری یوق‌لیگی و امکانیت سیزلیک طفیلی غزنی نینگ برچه منطقه لریده برق ترقته آلمه‌یدی.