جمهورلیک ریاستی اوتگن دوشنبه کونی «یوز کون-یوز مژده» برنامه‌سینی یولگه قویگن و اونینگ نتیجه‌سیده کینگی‌تیریش پروژه‌لر ویدیو کنفرانس آرقه‌لی آچیلیب و فایده‌لنیش‌گه قویلگن.
«یوز کون-یوز مژده» برنامه‌سی کمال‌خان سوو توغانی نینگ افتتاح ایتیلیشی بیلن باشلندی و ۱۲ هفته گه‌قدر مملکت بوتون ولایت‌لریده دوام قیلیشی ممکن.
اوشبو برنامه دوامی‌ده پروان مرکزی چاریکار شهریده ۴ کیلومتر جاده ده تاش فرش قیلیش پروژه‌سی افتتاح بولگن، پروان رسمی‌لری نینگ ایتیش‌لریچه، مذکور پروژه ایشی تکمیل بولمسدن افتتاح ایتیلگن.
نماینده‌لر کینگشی عضوی عبدالعزیز حکیمی جاری هفته ده چاریکار بلدیه‌سی و اوشبو ولایت بوییچه شهر قوریش ریاستی رییسی بیلن مذکور پروژه دن نظارت قیلگن. اونینگ فسبوک صحیفه‌سیده یازیشیچه، مذکور پروژه‌نی عملگه آشیروچی نهاد ناقانونی بیر اداره دیر.
پروان ولایتی بوییچه شهر قوریش ریاستی هم اوشبو پروژه نینگ طرح‌ریزلیکایشی گه قیین‌چلیکلر بارلیگی نی تصدیق‌له‌یدی. اوشبو اداره مسووللری نینگ ایتیش‌لریچه، پیاده یول‌لر نینگ عرضی کم دیر و بونده‌ی پیاده یول لری مسکونی اوی‌لرگه قرشی قیین‌چیلیک یره‌ته‌دی.
پروان ولایتی بوییچه شهر قوریش ریاستی باشلیغی غلام‌محمد غبار نینگ سلام‌وطندارگه ایتیشیچه، مذکور پروژه ایشیدن ۳۰ دن باشلب ۵۰% ایشی قالگن، لیکن نیمه دلیل‌گه فایده‌لنیش‌گه قایلیشی بیللی ایمس.
عین‌حالده، چاریکار بلدیه‌سی باشلیغی روح‌الله صدیقی نینگ ایتیشیچه، مذکور پروژه جمعه‌خان همدرد نینگ اوغلی‌گه تیگیشلی شرکت تامانیدن عملگه آشیریله‌دی. اونینگ ایتیشیچه، بو پروژه نینگ ایشی باشلنگنیدن حاضرگه‌قدر مذکور شرکت مسووللری پروژه نینگ قیین‌چیلیکلری خصوصیده جواب بیریش‌گه حاضر بولمه‌گن.
چاریکار شهری نینگ فرعی جاده‌لریدن ۴.۳۸ کیلومتری‌گه تاش فرش قیلیش اوچون قرار قیلینگن و مذکور پروژه ۱۰۴ میلیون افغانی هزینه کوتارگن.
حاضرده سوراق بو دیر کیم پروان حاکمی و جمهور رییس غنی ایشی تکمیل بولمه‌گن پروژه نی قنده‌ی منطق بیلن افتتاح قیلیب فایده‌لنیش گه قویگنلر؟
بوتوغریده پایتخت زونی کینگی‌تیریش اداره مسووللری و پیمان‌کار شرکت مسوول لری نینگ فکرینی آلیش اوچون سعی و حرکت قیلدیک، لیکن موفق بولمه‌دیک.
