جمهور رئیس محمد اشرف غنی، ملی مصالحه کینگشی باشلیغی عبدالله عبدالله بیلن اوچره‌شیب تینچلیک جریانی خصوصیده صحبت قیلگن.
جمهورلیک ریاستی نینگ بیر خبرنامه نشر قیلیب ایتیشیچه، اوشبو اوچره‌شوو اوتگن “پنجشنبه” کونی عصر چاغیده صورت تاپگن و ایکی تامان تینچلیک جریانی و ملی مصالحه کینگشی اعضالری تکمیل قیلینیشی خصوصیده بحث قیلگنلر.
خبرنامه‌ده ایتیلیشیچه، اوشبو اوچره‌شووده جناب عبدالله، ایران مملکتی‌گه قیلگن سفری خصوصیده جمهور رئیس گه معلومات بیرگن. خبرنامه گه کوره، بو اوچره‌شووده ملی خوفسیزلیک مصلحتچیسی حمدالله محب مملکت امنیتی وضعیتی و طالبان تامانیدن زوروانلیکلر کوپه‌یتیریلیشی خصوصیده معلومات بیرگن.
قطر باشکنتی دوحه ده افغانستان دولتی و طالبان گروهی آره‌سیده سوزلشوولر باشلنگنیدن کمیده ۲ آی اوتگنیدن سونگ، جمهور رئیس غنی و عبدالله عبدالله اوچره‌شیب اوشبو جریان نینگ قیین‌چیلیک‌لری خصوصیده صحبت قیلگنلر.
