باختر دولتی خبرگزارلیگی غزنی و نورستان محلی مسئوللریدن نقل قیلیب توییتر صحیفه‌سیده یازگن که، اوشبو ایکی ولایت‌ده یوز بیرگن سوو تاشقین‌لر نتیجه‌سیده، ۱۴ کیشی هلاک و ۱۱ کیشی ایسه یره‌لنگن.
باختر نینگ معلوماتی اساسیده، اوتگن کیچه غزنی نینگ مرکزیده یوز بیرگن سوو تاشقین نتیجه‌سیده، بیر عایله نینگ ۵ اعضاسی هلاک و باشقه ۲ کیشی ایسه یره‌لنگن. غزنی معلومات و مدنیت ریاست رئیسی مولوی حبیب‌الله مجاهد ایتگن که، مذکور سوو تاشقین‌‌ده جانی تلفات گه علاوه، اونلرچه یشش اوی هم تخریب بولگن.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده باختر نینگ یازیشیچه، نورستان نینگ وامای تومنی‌ده یوز بیرگن سوو تاشقین‌لر باعث، ۹ کیشی هلاک و ۹ کیشی یره‌لنگن.
بیزلرنینگ توییترده هم تعقیب قیلینگ!
اوشبو خبرگزارلیک نورستان محلی مسئوللریدن نقل قیلیب یازگن که، تلفات یانیده، مذکور سوو تاشقین‌لر کوپینچه مالی زیان هم ییتکزگن و کنر بیلن نورستان ولایت‌لری نی وصل قیله‌دیگن «کوردر» کوپریگی اوشبو سوو تاشقین‌لر نتیجه‌سیده تخریب بولگن دیر.
