اوشبو کون‌لر غزنی شهری نینگ هیچ بیر سرکی، عایله‌لری نینگ احتیاج‌لرینی تامینلش اوچون سعی-حرکت قیله‌یاتگن قول اوستیده سودا ساتهدیگنلردن خالی ایمس، بیراق بازار کسادلیگی ساعتلرچه ایسیق و ساووق هواده سرکلرده کوتیشدن سونگ، اولر نینگ اونچه‌لیک درآمد قیله آلمسلیگی گه سبب بولگن.
قول اوستیده سودا ساتهدیگنلردن قطاری نینگ ایتیشلریچه، اوتمیش گه قره‌گنده درآمدلری ۵۰ فایز کمه‌یگن.
بیزلرنینگ «ایکس» ترماغی ده هم تعقیب قیلینگ!
غزنی ولایت مقامی سرکی‌ده ماسک و جوراب ساته‌دیگن سکیز کیشی‌لیک عایله سرپرستی بولمیش ۵۰ یاشر امام‌الدین نینگ ایتیشیچه، سودا-ساتیق کمه‌یگنی سبب، بوگون‌لیک کونلرده عایله خره‌جتی نی تامین قیله آلمه‌یدی.
اونینگ کوپه‌یتیریشیچه: «اوتمیش گه قره‌گنده سودا-ساتیقلریمیز ۵۰ فایز کمه‌یگن؛ صرف و خره‌جت کوپ و اوی مصرفی نی پوره قیله آلمه‌یمن.»
غزنی شهری‌ده‌گی قول اوستیده سودا ساتهدیگنلردن بیری محمدحسین نینگ ایتیشیچه، ایش بازاری کساد‌لیککه یوز توتگنی سبب، نیچه مدت‌دن بویان حتا عایله‌سی نینگ کونده‌لیک صرف-خره‌جتی هم تاپه آلمه‌گن. اونینگ کوپه‌یتیریشیچه: «هر ییل گه قره‌گنده سودا-ساتیق آز دیر. کوپینچه قیینچیلیک بیلن روپه‌ره‌میز؛ ایش بولمسه عایله بیران نرسه ایسته‌گنی‌ده آلیش گه کوچی‌میز ییتیشمه‌یدی؛ چونکه ساتیش یوق.»
شونینگدیک قول اوستیده سودا ساتهدیگنلردن باشقه بیری عبدالصمد سرپرست حکومت‌دن، تولیدی ایش‌خانه‌لر نینگ یره‌تیلیشی بیلن یشاوچیلر گه دایمی ایش زمینه‌سی یره‌تیلیشی نی ایسته‌‌گن.
اونینگ کوپه‌یتیریشیچه: «سکیز کیشی‌لیک بیر عایله‌ده حیات کیچیره‌من. دولت‌دن بیر ایش‌خانه قورسین که اهالی گه ایش زمینه‌سی یره‌تیلسین.»
غزنی بلدیه ریاستی سوزلاوچیسی عبدالولی جلال‌زی نینگ سلام‌وطندار گه ایتیشیچه، اهالی گه ایش فرصتی یره‌تیلیشی و شهر منظم‌لیگی اوچون، شهر نینگ تورلی ناحیه‌لری سرک‌لری یانیده، قول اوستیده سودا ساته‌دیگنلر اوچون منظم ییرلر نظر گه آلینگن و جاری ییل‌ده اولرگه کوپینچه غرفه‌لر نینگ قوریلیشی ممکن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «بلدیه آرقه‌لی قول اوستیده سودا ساته‌دیگنلر گه بیللی بیر ییر تعیین‌لنگن؛ اولر گه آسایشته‌لیک یره‌ته‌میز. حاضر قول اوستیده سودا ساتهدیگنلردن کوپینچه‌سی پیاده یوریله‌دیگن یوللرده قول سودا ساته‌دیلر و جاری ییل‌ده اولر گه کوپراق غرفه قوریش خصوصیده پلانیمیز بار.»
سونگی ییل‌لرده اهالی نینگ ساتیب-آلیش امکانیتی کمه‌یگنی و اقتصادی بحران سبب، افغانستان ده کوپینچه اقتصادی فعالیت زیان کورگن و کونده‌لیک درآمد گه حیاتلری تیگیشلی بولگن یشاوچیلر ایسه کوپراق قیینچیلیک بیلن روپه‌ره بوله‌دیلر.
