غزنی ده بیر دین عالمی شخصی پولی دن، ۱۰ جفت نینگ توپلم توی مراسمینی اوتکزگن. مذکور یاش جفت‌لر نینگ توی مراسمی بوگون (پنج‌شنبه، ۱۸ حوت) یولگه قوییلیب و اوشبو مراسم ده اولر نینگ قرینداش‌لری و عایله اعضالری اشتراک ایتگنلر.
اوشبو احتفال ده اشتراک ایتگن دین عالم‌لری، جامعه ده‌گی رسم‌ورواج‌لر و کوپ خرجت‌لر آلدی آلینیشی اوچون توپلم توی مراسم‌لری اوتکزیلیشینی اونملی دیب ایتیشلریچه، توی‌لرده‌گی ناقانونی مصرف‌لر اخلاقی فساد و جمعیت ده اجتماعی مصیبت‌لر کوپه‌یشیگه سبب بوله‌دی.
بیزلرنینگ فیسبوک صحیفه‌میزگه باش اورینگ!
اوشبو مراسم تشکیلاتچیلریدن سیدگل‌احمد معتمدی، یاش‌لردن بو گَل مراسم گه اشتراک ایتیش اوچون اویلمسلیکلرینی سوره‌گن.
اونگه کوره، اولر نینگ نهادی هر ییلی غزنی ده بو گلَ ایکی مراسم یولگه قویه‌دی و اوشبو ولایت ده حاضرگچه ۱۶مراتبه توپلم توی مراسمی بولیب اوتگن.
عین‌حالده، مذکور احتفال ده حصه قوشگن کیاو و کیلین‌لردن قطاری، بو کبی مراسم‌لر اوتکزیلیشینی خوش قرشی‌لب و باشقه ییگیت و قیزلردن توی مراسم‌لرینی، اسلام قاعده‌لری اساسیده یولگه قوییش‌لرینی طلب قیله‌دیلر.
بیزلرنینگ توییترده هم تعقیب قیلینگ!
ایتیش کیره‌ک که، جمعیت ده‌گی ناقولی رسم‌ورواج و عنعنات‌لر باعث، افغانستان ده کوپ سانده عایله‌لر فرزندلری نینگ توی قیلیش مراسم‌لریده اجتماعی و اقتصادی قیینچیلیک بیلن روپه‌ره بوله‌دیلر.