بوگون (یکشنبه، ۹- قوس) غزنی ولایتی نینگ عامه نی سقلش کندکی، بمب جایلشتیریلگن موترنینگ هجومی گه دوچ کیلگن.
غزنی ولایتی کینگش باشلیغی نصیر احمد فقیری مذکور حادثه نی تصدیقلب ایتیشیچه، بو واقعه مذکور ولایت نینگ ۳- خوفسیزلیک حوزه‌سیده یوز بیرگن. اونگه کوره، پارتلش‌دن کیین حادثه محلیدن اوق آتیش سیسی هم ایشیتیلگن.
غزنی کسلخانه‌سی نینگ باشلیغی باز محمد همت نینگ ایتیشیچه، حاضرگچه ۲۱ جسد و ۱۷ یره‌دار بو کسلخانه گه انتقال بیریلگن. اونینگ کوپه‌یتیریشیچه، حادثه قربانی‌لری امنیتی کوچلر دیر.
بیراق غزنی ساغلیک ریاست مسئوللری نینگ ایتیش‌لریچه، ۲۷ کیشی هلاک و ۱۷ کیشی تن جراحتی کوتارگنی خصوصیده اولرگه گزارش بیریلگن.
ایچکی ایشلر وزیرلیگی اوشبو حادثه نی تصدیقلب ایتیشیچه، خودکش هجومچی بمب جایلشتیریلگن بیر موترنینگ «ده‌یک» تومن یولیده پارتلتگن.
بو حادثه حقیده حاضرگچه آرتیق تفصیلات قولگه کیلمه‌گن و شونینگدیک مذکور حادثه مسئولیتی نی حاضرگچه بیرار شخص یا-ده گروه اوز بوینیگه آلمه‌گن.
