۲۷ یاشر عبدالرحمان پوپل، قندوز ولایتی یشاوچیسی بولیب، کمپیوترساینس بولیمی بوییچه لیسانس درجه‌سی‌گه ایگه دیر. او افغانستان‌نینگ خلاق و فعال یاشلری‌دن بیری حساب‌لنیب، معلومات تکنالوژی ساحه‌سیده‌گی تخصصی بیلیم‌لرگه تیه‌نیش بیلن پولی خذمت‌لرنی دیجیتالی توزه‌تیش و عملی دستورلرنی رواجلنتیریش یولی‌ده فایده‌لی آدیم‌لرنی قویگن. عبدالرحمان، «عَرفون» اسملی کمپنیه‌سینی آچیش و حساب‌دارلیک سیستمی شامل دستوری سیستم‌لری‌نینگ رواجلنتیریش بیلن، صراف‌لیکلر و خذمت کورسه‌تیش تجارت‌لری فعالیتی‌ده سیزیلرلی اوزگریشلرنی یره‌تگن.
عبدالرحمان پوپل‌نینگ سلام‌وطندار بیلن اوتکزگن صحبت‌لری‌ده ایتیشیچه، او فعالیتی‌نی اوچ ته تعلیمی دستوری‌نی دیزاین‌لش بیلن باشله‌گن. اونینگ توزه‌تگن بیرینچی دستوری، سوزلرنی اورگه‌تیش‌گه اختصاص بیریلگن «اوچ تیل‌ده لغات‌نامه» ایدی. شونینگدیک «کلام کنورسیشن» کونده‌لیک صحبت‌لرنی اورگه‌نیش اوچون پشتو، دری و انگلیز تیللریده دیزاین‌لنیب و «ایگزکت حساب‌دارلیک سیستمی»، صراف‌لیکلر و باشقه تجارت‌لرنینگ مالی مدیریتی اوچون مکمل و ایشانچلی دستوری دیر.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «مین نیچه برنامه‌نی طراحی قیلگن‌مین؛ بیراق حاضر ایسه یالغیز اوچ‌ته برنامه پلی‌استور‌گه بار؛ لغات‌نامه، کلام کنورسیشن و ایگزکت سیستمی. اوچ ته تیللی لغات‌نامه، پشتو، دری یا-ده انگلیز تیللریده لغت‌نی اختره آله‌سیزلر و شونینگدیک اونینگ معناسی‌نی اوچ ته تیل‌ده تاپه آله‌سیزلر. بو اپلیکیشن تورلی بولیم‌لرده‌گی طلبه‌لر اوچون جوده‌یم یخشی دیر و مین اوزیم هم تحصیل دوره‌سیده، بیلمه‌گنیم لغت اوچون نیچه مرته اوندن فایده‌لنگن‌‌مین.»
عبدالرحمان‌نینگ اورغولشیچه، طلبه‌‌لیک دوره‌سیده عایله‌سی تامانیدن پول یوباریلیش چاغیده صراف‌لیکلر‌نینگ ایشی جریانیده جدی قیین‌چیلیکلر بیلن روپه‌ره بولگن. مذکور کونده‌لیک تجربه‌لر، صراف‌لر‌نینگ کونده‌لیک فعالیتی‌نی دیجیتال و ساده شکلده مدیریت قیله آلیشی مقصد، حساب‌دارلیک بیر سیستمی‌نی دیزاین‌لشی توغربسیده بیر انگیزه بولگن.
پوپل‌نینگ بیان قیلیشیچه: «صرافلر، سوداگرلر و شرکت‌لر اوچون جوده بویوک بیر آسایشته‌لیک‌نی کیلتیرگن. بوندن آلدین بیر صراف بیر حواله‌نی اون دقیقه‌ده عمل‌گه آشیرسه، حاضر بیر دقیقه‌ده عمل‌گه آشیره‌دی؛ چونکه بوندن آلدین برچه معامله‌لری ثبت بولگن و حاضر هر کونی و هر دقیقه حساب‌لرینی انجام بیره آله‌دیلر. بوندن آلدین دخلی‌نی اولتیریب دخلی‌نی حساب قیله‌ر ایدی که بوگون قنچه اجرا قیلگن‌مین و قنچه قالگن دیب. بوگون بیر کلک قیلیش بیلن بیر ثانیه‌ده دخل‌لری‌ده قنچه بارلیگی و قنچه پول قالگنی‌نی کوره آله‌دیلر.»
شونینگدیک «عرفون» کمپنیه‌سی، حاضر بیر نیچه ینگی دستور سیستمی‌نی رواجلنتیرماقده که اولردن بیری بانک‌لر اوچون تخصصی حساب‌دارلیک سیستمی، شفاکارلر و کلینیک‌لر اوچون نسخه‌یازیش‌نینگ دیجیتالی توزه‌تیلیشی و کیچیک و اورته نهاد‌لر اوچون مدیریت قیلووچی پلتفرم‌لر‌گه اشاره قیلیش ممکن.
عبدالرحمان‌نینگ ایتیشیچه: «کیله‌سی لایحه‌لریمیز‌دن بیری هلث دیر که شفاکارلر گه، کسل‌لر نسخه‌لری‌نی دیجیتال شکلده ثبت قیلیش امکانیتی‌نی بیره‌دی. بیر کسل ایکینچی مرته مراجعت قیلگنی‌ده، اونینگ بوندن آلدینگی نسخه‌سی خودکار شکلده ثبت بولیب و اونینگ تاپیلیشی ممکن. شونینگدیک دارو‌خانه ایشلاوچیلری هم دارولر بارلیگی، اولرنینگ تاریخی اوتیشی و ساتیلیش میزانی‌نی راحت بیر شکلده مدیریت قیله آله‌دیلر. هلث سیستمی هم لابرتورلر اوچون فایده‌لی بولیب و اولر گه، کسل‌لر تست‌لری‌نی ثبت قیلیب و تیکشیره‌دیلر.»
بیزلرنینگ فیسبوک صحیفه‌میزگه باش اورینگ!
شونینگدیک اوشبو تدبیرکار یاش، باشقه ۵۰ ییگیت‌گه ایش امکانیتی‌نی یره‌تگن. او کمپیوترساینس بولیمی‌ده تحصیل کورگن اینیقسه قندوز ولایتی‌ده‌گیلردن، همکارلیک قیلیش‌گه چیقریب و ایتیشیچه: «دستور دیزاین‌لش و برنامه یازیش‌گه قیزیققن بولگنینگیز صورت‌ده، کمپنیه‌میز همکارلیک قیلیش‌گه تیار دیر که افغانستان ده تکنالوژی کیله‌جگی‌نی بیرگه‌لیکده توزه‌تسک.»
عبدالرحمان پول‌نینگ موفقیت‌لی تجربه‌سی‌گه کوره، بیلیم، سعی‌وحرکت و ایچکی ظرفیت‌لردن فایده‌لنیش بیلن، فایده‌لی و عملی دستورلرنی دیزاین‌لش ممکن که، مملکت‌ده یوزلب نهاد و تجارت‌نینگ ایش پروسه‌سی یخشی‌لنیشی‌گه سبب بوله‌دی.
