مملکت باش‌قاره‌لاوچیلیک اداره‌سی، ساغلیق‌نی سقلش وزیرلیگی نینگ ۴ ایشلاوچیسی رشوه ایسته‌شگه عیب‌لنیب، قولگه آلینگنیدن خبر بیرگن.
باش‌قاره‌لاوچیلیک اداره‌سی نینگ سوزلاوچیسی جمشید رسولی رسانه‌لرگه بیر ویدیو اوزه‌تیب ایتیشیچه، مذکور کیشی‌لر باش‌قاره‌لاوچیلیک اداره‌سی نینگ کنترول و مراقبت قیلیش پرسونلی تامانیدن اوشلنگن و حاضر نظارت خانه‌ده بولگنلر.
باش‌قاره‌لاوچیلیک اداره‌سی نینگ سوزلاوچیسی، اوشلنگن کیشی‌لر هویتی حقیده معلومات بیرمه‌ی، لیکن تیکشیریش آستیده بولگنی نی ایته دی.
عین‌حالده باش‌قاره‌لاوچیلیک اداره‌سی نینگ سوزلاوچیسی، اوشبو قضیه هم باشقه قضیه‌لر دیک، اساسی قانون گه کوره تیکشیریلیب و نتیجه‌سی خلق همده میدیالر بیلن شیریک ایتیلیشدن خبر بیرگن.
باش‌قاره‌لاوچیلیک اداره‌سی تامانیدن ترقه‌تیلگن اعلامیه گه کوره، مذکور کیشی‌لر اوتگن کونی (دوشنبه، ۸- جدی) ساغلیق نی سقلش وزیرلیگی نیچه ایشلاوچیسی نینگ شکایتی گه کوره اوشلنگن.
ترقه‌تیلگن گزارشلر گه کوره، اوشلنگن کیشی‌لردن بیرته‌سی مملکت ساغلیق‌نی سقلش وزیری احمد جواد عثمانی نینگ ایناغه‌سی بولگن. گزارش لرگه کوره احمد شکران عثمانی، ساغلیق‌نی سقلش وزیری نینگ ایناغه سی، کاوه سرمست زاده، وزیر نینگ کاکاسی نی اوغلی، حامد حمید، وزیر نینگ خاله سی نی اوغلی و فریدون سلطانی وزیر نینگ مصلحت چیسی بولگن.
لیکن ساغلیق‌نی سقلش وزیرلیگی اوشبو خصوصده هیچ قندی فکر بیلدیرمه گن.