هرات ساغلیک مسئوللری نینگ ایتیش‌لریچه، اوچ کون آلدین، هرات شهری نینگ «نوآباد» منطقه‌سیده پارتلمه‌گن اوق نینگ پارتلگنی باعث، بیر عایله‌دن ۴ باله جان بیرگن و شونینگدیک بیر باله ایسه یره‌لنگن. مسئوللر گه کوره، مذکور یره‌دار بیلن ایکی باله‌نینگ جسدی هرات حوزوی کسل‌خانه‌سی گه انتقال بیریلگن.
آصف، هراتی بیر باله دیر که اوچ کون آلدین اوق پارتلگنی باعث، بیر ایاغینی قول‌دن بیرگن. او، حاضر هرات حوزوی کسل‌خانه‌سیده درمان آستیده قرار تاگن، اونینگ ایتیشیچه، مذکور واقعه‌ده سینگیلی و بولهسی جان بیرگن. اوشبو هراتی باله گه کوره، بولهسی نینگ اوغیل‌لری پارتلمه‌گن اوق نینگ اویلری گه کیتیرگن ایکنلر که نتیجه‌ده باله‌لر نینگ اویین‌لری پیتده پارتلگن.
بیزلرنینگ توییترده هم تعقیب قیلینگ!
آصف نینگ ایتیشیچه: «ایرتن چاغی ایدی، مین یاتگن ایدیم، کیلدیلر و بو رقم بیر نرسه تاپدی دیدیلر و مینی اویاندیردیلر. مین کیته‌سیم کیلمه‌یدی، اویقوم بار ایدی، مینی زور بیلن تارتیب کیتدیلر. اوندن کیین، اونینگ بویوک ایناغه‌سی اونی دیوار آستیگه آلیب کیتدی و اوشه پیتده پارتلدی و ۴ کیشی اولدی، مینی سینگیلیم هم اولدی.»
نازنین اوشبو یره‌لنگن باله نینگ آنه‌سی دیر اونینگ ایتیشیچه، سینگیلی نینگ باله‌لری پارتلمه‌گن اوق نینگ ایسکی تیمیر صفتیده بازار گه ساته‌دیگن بیر پیتده، بو اوق پارتلگن.
نازنین نینگ ایتیشیچه: «ایرتنگ چاغی باله‌لر درس گه کیتماق اوچون اویقون توردیلر، ماین اوی نینگ یقینی‌ده ایدی. بیزلر اویده ایدیک، باله‌لر اونی ساتیش اوچون آلیب اویگه کیتیردیلر. بیراق او پارتله‌دی و ۴ باله هلاک بولدی و بو هم یره‌لندی. اونی کسل‌خانه گه کیتیردیک، اونینگ ایاغی نی کیسدیلر.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، هرات کسل‌خانه نینگ باش‌داکتری محمدعارف جلالی نینگ ایتیشیچه، مذکور ولایت‌ده اوتمیش بیر آیده باله‌لر شامل ۱۰دن آرتیق کیشی پارتلمه‌گن اوقلر نینگ پارتلگنی نتیجه‌سیده، هلاک و یره‌لنگنلر و ینگی بیر واقعه‌ده ۴ باله جان بیرگن. یره‌لنگن و ایکی باله نینگ جسدی اوشبو کسل‌خانه گه انتقال بیریلگن.»
باشقه بیرتامان‌دن، هرات معلومات و مدنیت ریاست رئیسی نعیم‌الحق حقانی، اوشبو ولایت‌ده پارتلمه‌گن ماین‌لر نینگ موجود بولگنی خصوصیده خواطر بیلدیریب و اهالی‌دن مشکوک موردلر و پارتلمه‌گن اوقلر نینگ کورگنلری چاغده، قانلی واقعه‌لر گه توسیق بولیش اوچون خوفسیزلیک کوچلر بیلن بو موضوع نی شریک قیلیشلری نی سوره‌گن.
