نورستان حاکمی حافظ عبدالقیوم نینگ سلام‌وطندارگه ایتیشیچه، اوتگن کیچه ساعت ۱۲ ده اوشبو ولایت نینگ کامدیش تومنی‌نی «میردیش» قیشلاغیده یوز بیرگن سوو تاشقین نتیجه‌سیده، اون‌لرچه اوی تخریب ایتیلگن و دستلبکی معلوماتلرگه کوره، مذکور واقعه‌ده اون‌لرچه کیشی جان‌لرینی قولدن بیرگن.
بیزلرنینگ فیسبوک صحیفه‌میزگه باش اورینگ!
نورستان حاکمی‌گه کوره، سوو تاشقین یوز بیرگن منطقه طالبان نظارتیده دیر و دولت اوشبو منطقه‌ده یاردم ییتیشتره آلمه‌یدی، لیکن یول آچیلگن صورتده، نورستان محلی اداره‌سی یارم و قوتقریش تیم نینگ یوباریشی‌گه حاضر دیر.
عینحالده، نورستان ولایتی کینگش مسئول‌لری نینگ ایتیش‌لریچه، اوشبو ولایت نینگ کامدیش تومنیده شدتلی سوو تاشقین یوز بیرگن و مدهش قیشلاغی یشاوچی‌لریگه کوپینچه زیان ییتیشتیرگن.
نورستان ولایتی کینگش باشلیغی سعدالله پاینده‌زوی نینگ کوپه‌یتیریشیچه، مذکور واقعه‌ده جان بیرگن‌لرنینگ بیللی رقمی قولگه یوق، حاضرگه‌قدر ۴۰ کیشی نینگ جسدی تاپیلگن و تلفات کورگن باشقه کیشی‌لرنینگ جسدلرینی تاپیش اوچون سعی و حرکت‌لرنی دوامی بار.
بدخشان نینگ واخان تومنیده یوز بیرگن سوو تاشقین‌لر نتیجه‌سیده، ۲۱ قیشلاق نینگ قتناو یولی باغلنگن
بدخشان محلی منبع‌لری نینگ ایتیش‌لریچه، اوشبو ولایت نینگ واخان تومنیده یوز بیرگن سوو تاشقین نتیجه‌سیده، بیر کوپریک تخریب ایتیلگن و نتیجه‌ده ۲۱ قیشلاق نینگ قتناو یولی باغلنگن.
بیزلرنینگ فیسبوک صحیفه‌میزگه باش اورینگ!
واخان تومنی نینگ اداری بولیمی مدیری میردل مشفق نینگ ایتیشیچه، اوشبو تومن نینگ «سرگز» قیشلاغی ده سوو تاشقین سبب، کته بیر کوپریک و قتناو یول نینگ بیر بولیمی تخریب ایتیلگن و ۲۱ قیشلاق نینگ تومن مرکزی بیلن بولگن قتناو یول باغلنگن. اونینگ کوپه‌یتیریشیچه، مذکور قیشلاق لرنینگ یشاوچی لری آذیق-آوقات کم‌لیگی بیلن روپه ره بولگن.
